Мектеп жұмысын ұйымдастыру және басқара білу әдістері – кадрларды таңдау, орналастыру, тәрбиелеу, мектеп жұмысындағы бірыңғай күн ырғағы, ішкі тәртіп ережелері, мектептен тыс балаларға білім және тәрбие беру мекемелерімен педагогикалық ынтымақтастықты дамыту, жетілдіру.
Экономикалық әдістерге оқушылардың өндіріс бригадасы, жалға алу, оқу-өндірістік комбинаты, т.б. кіреді. Экономикалық әдістер тобы оқушыларды өнімді еңбекке үйрету тәсілдерін дамытып, экономикалық ұғымдарды өмірде, іс-тәжірибеде қолдана білуге жаттықтырады.
Мектептің іс-әрекетін басқару әдістерін үйлесімді етіп шеберлікпен пайдалану жұмысы басқарудың стилі анықтайды.
Басқару стилі – бұл жеке адамдарға және ұжымға әсер ететін әдістер мен тәсілдердің жиынтығы.
Стиль объективті және субъективті факторлардың әсер етуі арқылы қалыптасады.
Объективті фактор – ұжымның ұйымшылдығы, іс-қабілеті, басты міндеттерді шеше білуі, ұжым мүшелерінің сауаттылығы және сапалық деңгейі.
Субъективті фактор – басшының жеке басының қасиеттері. Мысалы, іскерлік, мінез, бедел, т.б.
Әлеуметтік психология және басқару теориясына сүйеніп, басқару стилінің үш түрін анықтауға болады.
Достарыңызбен бөлісу: |
