Бірінші сөзінде қара сөздерді жазудағы мақсаты айтылған.
Екінші сөзінде ұлтшылдық пен ұлтжандылық қасиеттер сараланған;
Бесінші, он бірінші, он сегізінші сөздерінде ар-ұят, адамгершілік мәселелері сөз болған:
Алтыншы, сегізінші сөздерінде надандық, талапсыздық, жалқаулық сияқты адамға теріс ықпал ететін мінездер сыналған.
Жетінші, он тоғызыншы, отыз бірінші, отыз сегізінші, қырық үшінші сөздерінде дүниенің тылсым сырын танып-білу мәселелері айтылған.
Отыз үшінші сөзінде мал табудың жолдарын өнерден іздеу қажеттігі сөз болған.
Он жетінші сөзінде ақыл, қайрат, жүрек үшеуінің ғылымға келіп жүгінуі, ғылымның әділ төрелігі: әр уақытта жүрекке бағыну туралы өсиеті айтылған.
Он тоғызыншы сөзінде адамның қалай есті, білімді болуының жолы көрсетілген.
Жиырма жетінші сөзі Сократ пен оның шәкірті Аристодимнің сұхбатына құрылған.
Жиырма тоғызыншы сөзінде қазақтың кейбір мақалдарын сынаған.
Отыз жетінші сөзі – нақыл сөздер (афоризмдер) жиынтығы.
А. Құнанбаев қазақтың музыка өнерін де байытты. Ақынның жиырма жеті әні бар. Олар: «Сегіз аяқ», «Көзімнің қарасы», «Бойы бұлғаң», «Қор болды жаным», «Айттым сәлем, Қаламқас», «Желсіз түнде жарық ай», «Мен көрдім ұзын қайың құлағанын», «Амал жоқ қайттым білдірмей», «Қараңғы түнде тау қалғып», «Ішім өлген, сыртым сау».
Достарыңызбен бөлісу: |
