Бұрынырақ алынбалы-салынбалы табақшалы протездер каучуктан жасалатын, ал қазір стоматологиялық акрил пластмассасынан дайындалады, сондықтан да құрастырма көпке дейін өзінің пішінін, түсін, тығыздығын, беріктігін сақтап тұрады (каучуктан жасалған протездің бір кемшілігі - ауаға желінетін).
Алынбалы-салынбалы табақшалы протездің бөліктері:
қызыл етті қайталайтын базис
жасанды тістер
протезді табиғи тістерге ұластыратын механикалық қондырмалар (кламмер, аттачмен, т.б.).
Алынбалы-салынбалы табақшалы протездің базисі –пластмассадан жасалған табақша. Базиске жасанды тістер орнатылады. Тамақ ішкен кезде шайнау жүктемесі базис арқылы протез төсемшесіне (протез астындағы ұлпалар) өтеді.
Алынбалы-салынбалы табақшалы протездер жоғалған тістердің орнын толтырудың кейде ең жалғыз, ең арзан тәсілі болып табылады, алайда олардың өз кемшіліктері бар:
протез астындағы атрофияға ұшырауы мүмкін, сондықтан оған жол бермес үшін протездіқайта орнықтыруды уақытында жүргізіп отыру керек;
базистің материалы аллергиялық реакцияларды туындатуы мүмкін (соның ішінде аллергиялық стоматит);
таяныш тістерге жалғасатын базистер мен кламмерлер тістің түбінде кариестің пайда болуына және патологиялық тіс-қызыл ет қалталарын түзіп, пародонтқа апарып соқтыруы мүмкін.
Алынбайтын протездер бір немесе бірнеше жасанды тістерден тұратын, тіс қатары кетігін толықтырып, көрші тұрған абиғи тістерге бекіткіш элеметтермен бекітілетін құрылым. (имплант, сауыт, салма)
Жартылай алынбалы-салынбалы табақшалы протездер Тістерді протездеу шартты түрде алынбалы-салынбалы табақшалы протезмен жүргізілуі мүмкін. Бұл құрастырма бір немесе бірнеше тіс түскенде қолданылады, бүтіндікті қарапайым тәсілмен қамтамасыз етеді -протез көршілес сау тістерге арнайы құрылғының көмегімен бекітіледі. Бұл әдіспен протездеу әрі сенімді, әрі шыдамды, күн сайын алып-салудың қажеті болмайды. Ең бастысы -ауыз қуысын дұрыс күту қажет.
