Басқару əдістері. Білім беру мекемесін басқару ұжымға, оның жеке бөліктеріне, қызметкерлер мен оқушыларға ықпал ету əдістері мен тəсілдерін анықтаумен байланысты. Басқару əдіснамасы басқару əдістерін зерттеуді қарастырады. Əдіс (грек тілінен аударғанда «methodos»- жол) - мақсатқа жету жолы деген ұғымды білдіреді. Басқару əдістерінің көмегімен басқарушылық қызметтің негізгі мазмұны жүзеге асырылады. Басқару əдістерінің жеке мəні мен өзіндік даму жолдары бар. Басқару əдістері –бір жағынан, басқару функцияларын жүзеге асыру үдерісі, ал екінші жағынан, өз жұмысын жандандыру жəне оны шығармашылық, мүдделі, белсенді сипатқа ие ету мақсатында ұйым қызметкерлеріне əсер ету процесі.В. Веснин басқару əдістері басқару стилдерін қалыптастыратын негізгі факторлардың бірі, соның нəтижесінде басшы мен қызметкерлер арасында өзара байланыс қалыптасатынын жəне басқару стиліне негіз салатын орындаушылардың
қызметін ұйымдастыру əдістері екенін айтады. Басқару əдістері сипатына қарай мынадай топтарға бөлінеді:əлеуметтік-психологиялық, ұйымдастыру жəне əкімшілік əдістер,экономикалық əдістер.
