Жұмысты орындау тәртібі Сілекей ерітіндісін дайындау. Таза пробиркаға (2-3 мл) сілекей жинайды, оны біраз тұндырып қояды. Колбаға 29 мл су құйып, оған 1 мл таза сілекей қосады.
Бес нөмірленген колбаны алып, бірнеше буфер ерітінділерін дайындайды.
Бес нөмірленген пробирканы алып, әрқайсысына 3 мл тиісті буфер құйылады, 3 мл крахмалдың 0,5 %-ті ертіндісі және 1 мл сілекей ерітіндісі қосылады. Әрбір пробиркадағы қоспаны жақсылап араластырып, бөлме температурасында қалдырады.
Әрбір 5 мин. сайын № 3 және № 4 пробиркалардан Люголь ерітіндісімен боялуға сынама алынып отырады, ол үшін осы аталған пробиркалардан 5-6 тамшы ерітінді таза пробиркаларға тамызады, оларға 1 тамшыдан Люголь ерітіндісінен қосады.
Пробиркалардың бірінде қызыл – қоңыр түс пайда болысымен барлық бес пробиркаға 1 тамшыдан Люголь ерітіндісін қосып, шайқайды, түсінің өзгеруін байқап отырады. Ең ашық түсті пробирканың рН мәні амилазаның оптималды рН-ына сәйкес келеді.