2. Шарабрин әдісі. Тыныстану кезінде жылқының танау тесігін бітей отырып, тыныс алу жолын жауып қояды, қинала тыныс алған секілді кейіппен қанша уақыттан кейін жұтқыншақ қозғалысқа келгенінанықтайды. Егер дені сау жылқыда бұл жұтқыншақтың қозғалысы 20-40 секундта пайда болса, ауру малда бұл уақыт көпке кемиді.
Жоғарыда көрсетілген әдістерді қолданған кезде малдың жүрек тамыр жүйесінің жағдайын және де айналадағы ауаның қызулығын, ылғалдылығын ескеру керек.
Өзін-өзі тексеруге арналған сұрақтар Организмнің тіршілік қызметіндегі тыныс алу жүйесінің рөлі.
Тыныстану жүйесінің қалыпты қызметінің бұзылу себептері.
Тыныстану жүйесі қызметінің бұзылуы кезінде қандай белгілер мен симптомдарбайқалады?
Сыртқы ортаның тыныстану жүйесі ауруларының өрбуі мен белгілеріне әсері.
Тыныстану жүйесін зерттеу үшін қандай әдістемелер қолданылады?
Тыныстану қозғалыстарының санын қалай санайды?
Сау жануарлардың тыныстану жиілігіне әсер ететін факторлар.
Тыныстану ырғағы дегеніміз не?
Жоғарғы тыныстану жолдары мен көкірек қуысын зерттеукезінде неге назар аудару қажет.
Жөтелдің сипаттамасы және оның клиникалық бағалануы.
Ентігу дегеніміз не және оның түрлері?
Тыныстану ырғағының әр түрлі бұзылуының сипаттамасы және олардың клиникалық бағалануы.
Тыныстану типтерінің сипаттамасы, тыныс алу қозғалысының күші және біркелкілігі (симметриялылығы).
Көкірек қуысын перкуссиялау (нұқу) қалай жүргізіледі?
Нұқу дыбыстарының сипаты, олардың пайда болуы және клиникалық маңызы.
Көкірек қуысының өкпе аумағындағы топографиялық перкуссия жасау әр түрлі жануарларда қалай жүргізіледі?
Өкпе аурулары кезіндегі аускультацияның (тындаудың) маңызы.
