Сабақтың мақсаты: Дерттік үрдістердің этиологиясы, патогенезі және эксперименттік емдеу жолдарын зерттегенде эксперименттік әдістің маңызын меңгеру.
Жалпы нозологияның негізгі түсініктерін меңгеру.
Оқыту міндеттері:
Аурудың немесе дерттік үрдістің үлгісін өздігінен алып, эксперименттік жануардағы патологияның көріністерін бақылап, қорытынды жасау
Тәжірибелік жануарлармен жұмыс жасаудың негізгі тәсілдерін үйрену
Тақырыптың негізгі сұрақтары:
Патологиялық физиология пәні. Патофизиологияның жоғары медициналық білім беру саласында алатын орны және маңызы, оның басқа пәндермен байланысы. Патологиялық физиологияның негізгі міндеттері.
Патологиялық физиологияның зерттеу әдістері. Тәжірибелік әдістің маңызы, жануарларда дерттік үрдістердің үлгісін алудың адам ауруларын зерттеудегі жетістіктері мен кемшіліктері. Жануарларда тәжірибе жасаудың өнегелік-әдептік жақтары.
Ауру - организмнің зақымдану және қорғану-икемделу әсерленістерінің диалектикалық бірлігі ретінде. Аурудың нышандары.
Ауруларды жіктеудің негізгі ұстанымдары.
Аурудың өту кезеңдері, олардың сипаттамасы
Өлім аурудың аяқталуы ретінде. Өлімнің түрлері. Өлімнің сатылары, сипаттамасы. "Тірілтілген организмнің ауруы" туралы түсінік, дамуының негізгі жолдары
Оқыту мен үйретудің тәсілдері: Дискуссия, кіші топтарда жұмыс жасау – блиц-ойын, тәжірибе жасау, хаттамаларды толтыру, нәтижелерін талқылау.
