Егер бұлшық етте, ішкі мүшелерде инфилтраттар мен сему өзгерістері табылған жағдайда ұшаны ішкі мүшелерімен қоса утилдеуге жіберіледі. Ал, егер органолептикалық көрсеткіштері сау қоянға тән болып, пастереллезге тексеру нәтижесі теріс болса, ұша мен ішкі мүшелерді пісірілген шұжық дайындауға жіберіледі. Пастереллалар табылған жағдайда етті қайнату арқылы залалсыздандырады немесе консерві дайындауға жіберіледі. Ауру қояндардың ішкі мүшелерін утилдейді. Терілерін алғашқы өңдеу орындарында 1% тұзды қышқыл ерітіндісінде немесе 20% ас тұзы ерітіндісінде 48 сағат бойы дезинфекциялайды. Сою- бөлшектеу алаңдарын және бөлмелерді ыстық 2% күйдіргіш натрий және хлорлы әкпен залалсыздандырады. Құрал-жабдықтарды 10минуттан кем емес 2% кальциленген содада қайнатады.
