ТӘРБИЕНІҢ НЕГІЗГІ БАҒЫТТАРЫ

Тәрбиенің негізгі мақсатына сәйкес негізгі бағыттар:

1. 
   Патриотизм және азаматтық тәрбие –мемлекеттің қоршаған әлем ретіндегі маңыздылығын көрсететін әртүрлі нормаларды, нысандарды қалыптастыру. Азаматтық тәрбие-адамның Отанға деген сүйіспеншілік сезімін, қоғамның адамгершілік мұраттарын, азаматтық ұстанымды, патриоттық сананы қалыптастыру.
   
2. 
   Әлеуметтік және коммуникативтік мәдениетті қалыптастыру – жаңа демократиялық қоғамдағы кез келген мәдениет жүйесі білім беру саласында жүйелі тәрбие береді. Білім алушыларда қарым-қатынас саласын және әлеуметтік-мәдени процестерге бейімделуді, коммуникативтік құндылықтар, идеялар жүйесін, кез келген ортада оң пікір алмасуды дамыту мен орнатуды қалыптастырады.
   
3. 
   тұлғаның (білім алушылардың) зияткерлік, талдамалық ойлауын қалыптастыру – тұлғаның ортамен қарым-қатынас, танымдық қызмет, сыртқы әлеммен қарым-қатынас процесінде зияткерлік, талдамалық ой-өрісін қалыптастыру. Таным мәдениетін, саналы ойлауды, ойлау өркениетін жүйелеу.
   
4. 
   толеранттылық және гуманистік құндылықтар – ұлттық сананың мәні - бұл мемлекеттік тілді құрметтеуге, қазақ халқының мәдениеті мен дәстүрлерін құрметтеуге тәрбиелеу кеңістігі. Жаһандану дәуіріндегі әр адамға құрметпен қарайтын, ар-ождан бостандығы мен әлеуметтік құқықтарын мойындайтын гуманистік идеяны басшылыққа ала отырып, студенттердің өзін-өзі дамытуға бағытталған.
   
5. 
   аксиологиялық тәсіл және салауатты өмір салты – денсаулықты сақтау мен нығайтуға бағытталған сауықтыру жолындағы белсенді қызметті қамтитын әмбебап жалпыадамзаттық құндылықтар. Денсаулық-рухани және әлеуметтік игіліктің жиынтығы. Ақыл өрісі рухты қатайтуға қызмет етеді.
   

1. 
   қоғамның нақты мәселелерін шешу, жобалық қызмет дағдыларын игеру, тиімді коммуникацияның психологиялық негіздерін түсіну, сыни ойлау бойынша ұсыныстар енгізу арқылы студенттердің белсенді өмірлік ұстанымын қалыптастырады;
   
2. 
   құндылық бағдарларын тәрбиелейді және студенттердің бойында сыбайлас жемқорлыққа қатысты азаматтық ұстанымның орнықтылық қағидаттарын қалыптастыру үшін қажетті қабілеттерді дамытады, сыбайлас жемқорлыққа қарсы мәдениетті қалыптастырады;
   
3. 
   қазіргі кезеңде ұлттық тәрбиені қалыптастырады, атап айтқанда, жас ұрпаққа қазақ халқының әлеуметтік тәжірибесін, бай рухани мәдениетін, оның ұлттық ділін, дүниетаным туыстығын беруді және осы негізде Қазақстан азаматының жеке қасиеттерінің қалыптасуын жүзеге асырады;
   
4. 
   білім алушы тұлғасының жан-жақты тұтас дамуы үшін жағдай жасауға бағытталған отандық білім беру және тәрбиелеу жүйесінің негізгі түсініктерін қалыптастырады.