Жауаптары. Жебелі садақ, найза, семсер, қанжар,
бұғалық, қалқан.
Бағалау мүмкіндіктері Оқушылардың ғұндардың әскери басқарудағы
лауазымдарына сәйкес орналастыруда, түменбасы
мен жауынгердің әскери құқықтары мен міндеттерін
салыстыруда, әскери жүйенің артықшылықтары(+)
және кемшіліктерін (-) жіктеуде, суреттегі қару-жа-
рақтарға атау беруде жұптық, топтық бағалауға мүм-
кіндік беріңіз. Кестеде ғұндардың әскери жүйесінің
кем дегенде 2 артықшылығы мен 2 кемшілігін толты-
рады. 3-суреттен ғұндардың кем дегенде 5 қару-жа-
рақтарын атайды, кем дегенде 2 қаруды толық сипат-
тайды.
Қосымша тапсырмалар 1. Оқушылар ғұндардың әскери өнерін сақ тайпа-
ларының әскери өнерімен салыстыра отырып, Венн
диаграммасын құрайды. Яғни, оқушылар өткен тақы-
рыппен байланыс жасайды. Сақ және ғұн тайпала-
рының айырмашылықтарын екі шеңберге, ал ұқсас-
тықтарын екі шеңбердің қиылысқан жеріне жазады.
2. Оқушылар жаңа тақырыпты қорытып, шаньюй
ретінде ғұн әскеріне «Тәңірқұты жарлығын» рәсім-
дейді. А4 пішініндегі параққа жауынгерлердің
құқықтары мен міндеттері жазылған жарлық жазады,
түтікше етіп орап, басқаларға танысуға жібереді.
3. Оқушылар жеке тақырыпты бекіту және қоры-
тындылау үшін, «Неліктен ғұндардың жауларын са-
уыт-сайман да құтқара алмайды?" деген тақырыпта
ғұндардың әскери өнерін толық сипаттай отырып,
50–60 сөзден тұратын шағын эссе жазады.
4. Сабақтың соңында мүмкіндік болса,
оқушылар-
дан ортаға шығып шеңбер жасауды сұраңыз. Қолда-
рына оқулықтағы 1–3-суреттерді, немесе осыған ұқ-
сас суреттерді беріп, «Көршлеріңе беріңдер» ойынын
ұйымдастырыңыз. Бұл ойында оқушылар ғұн әскери
өнері туралы зат есім, сын есім немесе етістік сөз ай-
тып көршісіне беруі тиіс. Кім көршісі сурет берген
кезде ғұндар туралы сөз айта алмай қалса, сол ойын-
нан шығып отырады.
