Қазақстан республикасы ауылшаруашылығы министрлігі
Өсімдік майы эксперименттік-өндірістік цехы
жүктеу/скачать 2 Mb.
|
Елубай Балнұр Есеп
| 2 Өсімдік майы эксперименттік-өндірістік цехы
Өсімдік майлары - өсімдік шикізатынан алынатын, триглицеридтер мен май қышқылдарынан,сондай-ақ олармен бірге жүретін заттардан (фосфолипидтер, бос май қышқылдары, балауыздар,стеролдар,түс беретін заттар және басқалар) тұратын өнімдер. Өсімдік майларына арналған шикізат-майлы дақылдардың тұқымдары (Күнбағыс, жүгері, рапс, мақта, күнжіт, зәйтүн, жержаңғақ, зығыр, қыша соя және бұршақ). Асқабақ, қарбыз және қызанақ тұқымдарынан алынған майдың тағамдық маңызы аз. Адамның тамақтануында өсімдік майлары май қышқылдарының, Е дәрумені мен в-ситостеролдың негізгі көзі болып табылады. Кез-келген адам күнделікті рационына 1-2 ас қасық (15-30 г) өсімдік майын қосуы керек. Жоғары калориялы болғандықтан, майды мөлшерінен көбірек тұтыну ұсынылмайды. Пайдалы қасиеттерін сақтау үшін майды термиялық өңдеуге болмайды-оны дайын тағамдар мен салаттарға қосқан жөн. Қарқынды қыздыру кезінде майлар күйіп кетеді: оларда май қышқылдарының ыдырау және трансформация өнімдері (эпоксидтер, кетондар, альдегидтер, пероксид радикалдары) жиналады. Сонымен қатар, Өсімдік майларының ұзақ уақыт қызып кетуі 40% - ға дейін маңызды май қышқылдарының жоғалуына, Е дәрумені мен фосфолипидтердің бұзылуына әкеледі. Өсімдік майлары тамақ өнеркәсібінде маргариннің әртүрлі сорттарын, жұмсақ майларды, тағамға арналған тұздықтарды (мысалы, майонез) өндіру үшін кеңінен қолданылады. Өсімдік майларын өндіру жөніндегі тәжірибелік-өндірістік цех 2018 жылдан бастап жұмыс істейді. Май цехының базасында университет білім алушылары үшін оқу, зертханалық, практикалық сабақтар, зерттеу практикалары өткізіледі.Кафедра ғалымдары, магистранттар мен докторанттар шикізаттың дәстүрлі емес түрлерінен май алу бойынша зерттеулер жүргізеді, сапалық көрсеткіштерді зерделейді, өсімдік майларын өндіру және терең өңдеу технологиясын жетілдіру бойынша жұмыс істейді, май саласы үшін жоғары білікті мамандар дайындайды. Өcімдік майын өндіру цeхы тeхникалық факультeттің аумағында өcімдік майын алуға арналған нeгізгі жабдық oрнатылған жeкe үй-жайда oрналаcқан. Май өндіругe арналған шикізат (күнбағыc, рапc, зығыр, мақcары тұқымдары) қаптарда жeкe үй-жайда cақталады. Тұқымдарды cақтау шарттары oлардың cапаcын нашарлатпай cақтауға мүмкіндік бeрeді. Өсімдік майын өндіру цехы бүгінгі таңда күнбағыс, зығыр, соя, мақсыр, рапс өсімдік дақылдарынан май өндіру және оқыту, ғылыми-эксперименталды бағытта жұмыс жасайды. Өндірістік цехтың негізгі мақсаты: білім беру қызметінің сапасын жоғарылату, өсімдік майын өндіру, университет ғалымдарының ғылыми жетістіктерін өндіріске енгізу және коммерцияландыруға ықпал беру. Міндеттері: Өсімдік майы өндірісін жүргізу; Студенттердің практикалық дағдыларын, кәсіби құзыреттерін дамыту; Майлы дақылдарды өңдеу және өсімдік майларын өндіру технологиясы бойынша қолданбалы зерттеулердің басым бағыттары бойынша ғылыми жобалар мен конкурстарға және халықаралық жобаларға қатысу; Республикамыздың және Халықаралық бағдарламалар аясындағы жобаларды іске асыру мақсатында магистранттар мен докторанттарды жұмылдыра отырып, ғылыми мекемелер мен кафедралардағы жетекші ғалымдардан құралған шығармашылық топтар қалыптастыру; Ғылыми зерттеу әдістемелерімен бағдарламаларын қалыптастыру және тақырыптарды жауапты тұлғалардың іс жүзінде орындауын бақылау; Кадрлардың потенциалын нығайту мақсатында магистратура мен докторантураның үздік түлектерін жұмысқа тарту. жүктеу/скачать 2 Mb. Достарыңызбен бөлісу:
|