Салқын тағамдар мен басытқылар сапасына қойылатын талаптар

Салқын тағамдар мен басытқылар арнайы ыдыстарда: табақшаларда, лотоқтарда, салатниктерде, басытқы тəрелкелерде, уылдырықшыларда, креманкаларда жəне т.б., бір немесе бірнеше порциялар мен жіберілуі тиіс. Салқын тағамдар əдемі əшекейленеді жəне олардың температурасы 10-12 °С болады. Түсі мен дəмі берілген өнімге сəйкес болуы тиіс. Ешқандай бұзылу түрлері: түсінің өзгеруі, ашу белгілері, бөтен иіс пен дəм жіберілмейді. Ыдыстағы уылдырық əдемі орналасқан, сырты кепкеген, ыдыс шетінде бөлек уылдырық дəндері болмауы тиіс.

Тұзы аз жəне басқа балықтардың тілімдері жақсы тазартылған, ұқыпты туралған; бекіре балықтары шеміршексіз, терісіз; олардың сыртында бармақ дақтары жіберілмейді, сондықтан, балықты тəрелкеге пышақ көмегімен салу тиіс.

Жас көкөністерден дайындалған салаттар балғын, кебусіз; сарғайған салат, көк жəне пияз жапырақтардың болуы жіберілмейді.

Винегреттер: көкөністер жақсы тазартылған, қатты емес, бөтен иіссіз жəне дəмсіз болуы тиіс.

Құйма балық — желесі серпінді, мөлдір, концентрленген сорпаның дəмімен хош иісі бар, бұлдыр емес, қалыңдығы 0,5-0,7 см кем емес,піскен балық өзінің түрін сақтап қалып, жұмсағы тығыз болады.

Құйма ет — ет сыртының бояуы өзгермеуі тиіс ( жасыл жəне қоңыр

дақсыз).Сілікпелердің желесі		тығыз,		жақсы қатқан болуы тиіс; өнімдер
(көкөністер)	жақсы ұсақ туралып, барлық ет бөліктерінде біртекті таралған
болуы тиіс.
Салқын	басытқыларға соус бергенде майонезді қабаты бұзылмай
сарғаймауы тиіс.
Салқын тағамдар мен басытқыларды жəне оларға арналған жартылай
өнімдерді	тоңазыту шкафында, 0-6				°С температурада фарфор немесе
эмальді ыдыста жабылған		қақпақ		астында (эмалі жарылмаған жəне

сынбаған) сақтайды.Ростбиф, окорокты, құсты, үстеріне құрғақ мəрлі жауып противеньдерде сақтайды. Өнімдерді жіберер алдында турайды. Гарнир мен соусы бар салқын ет жəне балық тағамдарды 30 минуттан артық сақтамайды . Салыммен қатқан салаттардың максимальді сақтау мерзімі: пісірілген көкөністерде - 30 минут, шикі —15 минуттан аспауы керек. Желе құйылған басытқылық бутербродтарды 12 сағаттан асырмай сақтайды. Ашылған консерві қалайдағы өнімдерді 3 сағаттан көп емес, ал фарфор, шыны немесе эмальді ыдысқа қайта салынған өнімдерді 24 сағаттан артық сақтамайды.