Педагогиканың зерттеу пәні, объектісі

Әрбір ғылымның зерттеу объектісі мен зерттеу пәні болады.

Ал зерттейтін пәні – саналы және мақсатты түрде ұйымдастырылған педагогикалық процесс болып табылады.

Педагогиканың функциясы – екі жақтан қарастырылады:

Біріншіден теориялық жақтан үш деңгейде, олар:

– диагностикалық (анықтау) – педагогикалық құбылыс жағдайын, мұғалім мен оқушы іс–әрекетінің нәтижесін, оның тиімділігін қамтамасыз ететін себептері мен шарттарын айқындау.

– болжау – барлық педагогикалық жағдаяттарды табиғи тұтастық күйінде тәжірибелік зерттеуден өткізу және соның негізінде педагогикалық болмыстың жаңа моделін құрастыру.

– сипаттау немесе түсіндіру – озат және жаңашыл педагогикалық тәжірибені зерттеу.

Екіншіден, оқу – тәрбие процесін технологиялық жақтан қамтамасыз ету болып оның өзі үшке бөлінеді, олар:

– жобалау – педагогикалық іс – әрекет пен оның мазмұны әрі сипатын қалыптастыру мен реттеуге нұсқау болатындай теориялық тұжырымдармен анықтамаларды қамтитын әдістемелік материалдарды (оқу жоспары, оқу бағдарламасы, оқулықтар, әдістемелік оқу құралдары, педагогикалық ұсыныстар) жасауға байланысты.

– рефлексиялық (ықпал таныту) – ғылыми зерттеу нәтижелерінің оқу – тәрбие жұмыстарына ықпалын бағалау.

– түзету немесе жаңалау – тәрбие мен білім беру тәжірибесін жетілдіру мен қайта түзету мақсатына қарай педагогика ғылымының заман талабына байланысты жетістіктерін еңгізу және іске асыру.