| 5. Бағдарлы оқыту мазмұнының құрылымы
Бағдарлы оқыту мазмұны жаратылыстану-математикалық және қоғамдық-гуманитарлық бағыттар аясында жүзеге асырылады.
Жаратылыстану-математикалық және қоғамдық-гуманитарлық бағыттар бойынша бағдарлы оқыту мазмұны екі ұстанымды ескере отырып айқындалады:
білім беру мазмұны 11-12-сынып оқушыларының жеке мақсат-мүддесі мен қабілет-қарымын ескеруге мүмкіндік беретін педагогикалық жағдайлар жасауға бағытталуы тиіс;
бағыттар аясындағы білім беру мазмұнын айқындаған кезде оқушылардың базалық жалпы білім алу процесін аяқтауға даярлығын қамтамасыз ететін міндетті оқу пәндері азайтылуы тиіс.
Бағдарлы оқыту жүйесінің икемділігі мынадай оқу пәндері арқылы қамтамасыз етіледі: базалық пәндер (инвариантты компонент), бағдарлы пәндер (вариативті мектеп компоненті), таңдауы бойынша міндетті пәндер және мақсат-мүддесі бойынша таңдап алынған курстар (вариативті оқушы компоненті).
Пайыздық қатынасқа шаққанда инвариантты, вариативті мектеп, вариативті оқушы компоненттерінің үлес салмағы тиісінше 60:30:10 мөлшерін құрайды.
Достарыңызбен бөлісу: |
