Білім беру бағдарламасы МҰҒалімге арналған нұСҚаулық
жүктеу/скачать 0,58 Mb. Pdf көрінісі
|
Қаз. тар және ҚН Мұғалімге арналған нұсқаулық (1)
| Жоба
әдісі . Қазақстан тарихы сабақтарында оқу үдерісін табысты ұйымдастыру жолдарының бірі – жоба әдісі. Бұл әдіс оқушылардың қандай да бір мәселені өздігінен зерделеп, зерттеу нәтижесін көпшілікке таныстырып жариялаудан тұратын оқу-танымдық іс-әрекеттерінің жиынтығын қамтиды. Жоба жұмысы барысында оқушылардың ақпараттық, қарым-қатынас құзіреттіліктері, күрделі мәселелерді шешу жолындағы ізденушілік дағдылар және өз іс-әрекетіне рефлексия жасай білу қабілеттері дами түседі. Сонымен қатар, бұл тәсіл пәнаралық байланысты нығайтып, екі немесе одан да көп пәндер бойынша кіріктірілген сабақтар ұйымдастыруға мүмкіндік береді. Жоба әдісін қолдану сабақта мұғалім қызметінің де өзгеруіне ықпал етеді: мұғалім дайын білімді ұсынушыдан өз оқушыларының ізденушілік, зерттеушілік, шығармашылық қабілеттерін дамыту арқылы танымдық әрекеттерін ұйымдастырушыға айналады. Сабақ барысында немесе сабақтан тыс жүзеге асырылатын жоба жұмысын орындау барысында оқушылардың зерттеу дағдылары жетіліп, ішкі уәжі арта түседі. Оқушылар білімді өздігінен ізденіп, оларды талдап, дамыту арқылы қорытынды жасап, жаңа нәтиже алуды және оны жариялауды жүзеге асырады. Жоба әдісі оқушылардың өз бетінше ізденуіне бағытталған; жоба жұмысын оқушылар 27 белгіленген уақыт аралығында жеке, жұппен немесе топпен орындауы мүмкін, сондықтан ол бірлескен оқу тәсілімен толық үндестік табады. Пәнді оқытуда жоба әдісін қолдану оқушылардың ғылыми танымдық белсенділігін күшейтіп, пәнаралық байланыс орнату арқылы пәнді оқытудың табыстылығын арттырады. Жоба жұмысының тақырыптарын анықтауда мұғалім мен оқушылардың біліктілігі және шығармашылығы көрініс табады. Мұғалім жоба жұмыстарына оқу бағдарламасы ұсынатын тақырыптармен қатар өз қалауы бойынша өткен тараулар бойынша тақырыптарды алуы да мүмкін. - Жоба жұмысының түрлері: зерттеушілік жоба , ақпараттық жоба , шығармашылық жоба , рөлдік ойын жобасы , т.с.с. - Ұзақтығына байланысты қысқа мерзімді шағын (бір сабақ, бір немесе бірнеше апта көлемінде), орта мерзімді (бір немесе бірнеше ай көлемінде), ұзақ мерзімді жоба (жыл бойы) болуы мүмкін. Жоба әдісін қолдануға қатысты негізгі талаптар: - әртүрлі пәндік салалар бойынша кіріктірілген білімдерді және зерттеушілік ізденісті қажет ететін проблемалық мәселенің болуы; - күтілетін нәтиженің тәжірибелік және танымдық маңызды болуы; - оқушылардың өз бетінше жұмыс істеу, зерделеу әрекеттерінің жүйелі болуы; - жоба жұмысының мазмұндық құрылымының анық болуы; - зерттеу әдістерінің қолданылуы. «Қазақстан тарихы» пәні бойынша жоба жұмыстарын орындау оқушылардың тарихи оқиғаларды, құбылыстар мен үдерістерді және тарихи тұлғалардың қызметін сын тұрғысынан талдау және баға беру дағдыларын қалыптастыруға, тарихи деректердің негізінде дәлелді пайымдау дағдыларын дамытуға, тарихи зерттеу жүргізу дағдыларын қалыптастыруға мүмкіндік береді. Оқушылар жоба жұмыстарын орындау барысында зерттеу сұрақтарын құрастыру, деректерді талдау, әртүрлі көзқарастарды салыстыру, өз болжамдарын ұсыну, нәтижелер мен қорытындылар шығару, өзінің ұстанымын белгілеу, өз ойын ауызша және жазбаша түрде анық және сауатты жеткізе білу сияқты зерттеу жүргізу дағдыларын қалыптастырады және дамытады. жүктеу/скачать 0,58 Mb. Достарыңызбен бөлісу:
|