Біздің Ұранымыз әлем сізді күтуде … мектеп миссиясы

МЕКТЕП КҮНТІЗБЕСІ

оқу үдерісін ұйымдастыру

КҮН ТӘРТІБІ

ОҚУ АПТАЛАРЫ ЖӘНЕ ДЕМАЛЫС КҮНДЕРІ

7-9, 11-сыныптарда – 34 апта;

10-сыныпта – 32 апта;

12-сыныпта – 31 апта.

Назарбаев Зияткерлік мектептерінің Кіріктірілген білім беру бағдарламасы «Назарбаев Зияткерлік мектептері» ДББҰ-мен стратегиялық серіктестіктегі Кембридж университетінің Халықаралық емтихандық кеңесімен бірлестікте әзірленіп, жаратылыстану-математикалық бағытындағы оқу үдерісін жүзеге асыруға бағдарланған. Аталмыш бағдарлама білім берудің ұзақ мерзімді құндылықтары мен мақсаттарын, оқытудың күтілетін нәтижелерін, білім беру деңгейлері бойынша орта білім беру мазмұнының құрамы мен құрылымын, оқу жетістіктерін бағалау моделін, Назарбаев Зияткерлік мектептеріндегі оқу үдерісін ұйымдастырудың талаптарын белгілейді.

«Назарбаев Зияткерлік мектептері» ДББҰ-ның Білім беру бағдарламалары орталығы оқу жылының басында кіріктірілген білім беру бағдарламаларын http://cep-forum.nis.edu.kz ресми сайтының форумына жүктейді.
Аталмыш бағдарламаның ерекшеліктері:

- функционалдық сауаттылықты дамытуға бағытталуы.

- шиыршық принципі бойынша құрылуы: білім мен дағдылардың бірізді ұлғайтылуы.

- пәндер арасында тығыз пәнаралық байланыстың орын алуы.

- мұғалімдерге арналған ресурстардың кең таңдауы.

- қарым-қатынас дағдыларын белсенді түрде дамыту мүмкіндігінің болуы.

- жалпыға бірдей мүмкіндікті қамтамасыз ету принципі (мұғалімдер мен оқушылар үшін);

- сабақтастық принципі (мұғалімдер мен оқушылардың мол тәжірибесін есепке алу);

- кіріктірілген тәсілдеме принципі (әртүрлі пәндердің әдеби-көркем, сонымен қатар заманауи БАҚ тілі материалдарындағы мәтіндері негізінде тілді меңгеру);

- таңдалатын тәжірибелік бірліктердің функционалдық шарттылығы мен аяқталушылығы принципі (барлық қатысушылардың оқу үдерісіне саналы қарым-қатынасы);

- дифференциация принципі (жеке бейімділікті, зият түрлерін есепке алу, әрбір оқушының жеке даму траекториясын құру).

- КБББ бойынша бекітілген оқыту мақсаттарына сай сабақ мақсаттарын бірлесе отырып анықтау;

- оқыту ресурстарын бірге іздеу және анықтау;

- сабақтағы бағалау формасы мен техникасын анықтау;

- өткізілген сабақты бірігіп талдау.
Пән бойынша мұғалімдердің көлденең жоспарлауының жадынамасы

1. Күнтізбелік-тақырыптық жоспар бойынша апталық сабақ тақырыптарын анықтау.

2. Оқу мақсатын (ОМ) – КБ бойынша бағалау критерийлері, КБКМ бойынша жетістік критерийлері арқылы іріктеу (КБББ-на сәйкес қалыптастырылатын дағдыларды есепке ала отырып).

3. Ресурстарды таңдау (бейне және аудио материалдар, оқу әдебиеттері, электронды оқулықтар және т.б.).

4. ОМ-ға қол жеткізу формаларын келісу (жобалар, зертханалық және демонстрациялық тәжірибе, ауызша немесе жазбаша бағалаулар, тәжірибелік тапсырмалар, эссе және т.б.).

5.Оқушылардың сабақтағы іс-әрекетін тиімді ұйымдастыру мақсатында тапсырмаларды/стратегияларды таңдау.

6.Үй тапсырмасына өзара ортақ тақырыптарды анықтау (www.akb.nis.edu.kz, «Ата-аналарға» бөлімі және Кіріктірілген білім беру бағдарламасы).
Командалық оқыту («Team teaching») – оқушылардың оқуын жетілдіру мақсатына ортақ қол жеткізу үшін бірлесе жұмыс жасайтын екі пән мұғалімінің ынтымақтастығы.
Оқу үдерісіндегі бағалау

Критериалды бағалау – оқушының нені білуі және орындай алуы керектігін көрсететін, анық, белгілі критерийлер бойынша тексерілген әлемдік деңгейдегі үлгі.

Бағалаудың екі түрі қолданылады:

Қалыптастырушы бағалау әр сабақта үздіксіз өткізіледі, бірақ оқушыларға баға қойылмайды, оқуын жақсарту бойынша нұсқаулықтар мен комментарийлер түрінде сындарлы кері байланыс ұсынылады.

Жиынтық бағалау оқу бағдарламасындағы бөлімді/ортақ тақырыптарды және белгілі бір оқу кезеңін аяқтағаннан кейін (тоқсан, оқу деңгейі) ұпай және баға қою арқылы өткізіледі. Жиынтық бағалау сыртқы және ішкі жиынтық бағалау болып бөлінеді. Ішкі жиынтық бағалау оқу тоқсаны және оқу жылының қорытындысы бойынша өткізіледі. Сыртқы жиынтық бағалау – 10-12-сыныптар үшін. Сыртқы жиынтық бағалау Кембридж Халықаралық Емтихан Кеңесі (МЭСК) сарапшыларымен бірлесе құрастырылады және тексеріледі.

Бағалау нәтижелері мынадай құжаттар түрінде ұсынылады:

1. 
   Бөлім, тоқсан бойынша жиынтық бағалау жұмыстары, ұсыныстар, пікірлер, мұғалімнің кері байланысы, оқушының рефлексиясы енгізілетін портфолио.
   
2. 
   Оқушылардың сабаққа қатысымын, сабақ тақырыптарын, тоқсандық және жылдық бағаларын белгілейтін сынып журналы.
   
3. 
   Ішкі жиынтық бағалау жұмысы ұпайларын (бөлім, тоқсан бойынша), тоқсандық және жылдық бағаларын есептейтін АББЖ (ақпараттық білім беру жүйесі) жүйесіндегі электронды журнал.
   
4. 
   Оқушының тоқсандық және жылдық бағалары қойылатын оқушы табелі.
   

• 
  сабақ кестесіне сәйкес басқа да пәндер бойынша үй тапсырмасының берілуі және көлемі;
  
• 
  күнделікті үй тапсырмасынан бірнеше пәндер бойынша кіріктірілген тапсырмалар жүйесіне (ұзақ мерзімді және қысқа мерзімді жобалар) көшу мүмкіндігі;
  
• 
  үй тапсырмасын жекелеген пәндер бойынша бірнеше оқу мақсаттарына негіздей отырып, оқу жобалары үлгісінде ұйымдастыру.
  

• 
  мейрам және демалыс күндерінде (жалпы дамуы және жобалық жұмыстар үшін оқуға ұсынылатын көркем, қосымша әдебиеттерден басқа).
  
• 
  бақылау жұмыстары алынғаннан кейін.
  

Оқу жүктемесі – мұғалімнің апта бойы өткізетін негізгі және қосымша сағаттарының саны.

Мұғалімнің оқу жүктемесі ағымдағы жылдың мамыр айында әдістемелік бірлестік отырысында қаралады және маусым айында оқу бөлімімен келісіледі.

Педагогикалық жүктемені бөлуде 7-12-сыныптар арасындағы сабақтастық принципіне басымдық беріледі.

Мұғалім үшін тиімді педагогикалық жүктеме – аптасына 18 сағаттан артық болмауы. Сабақ беретін параллель сыныптарының саны екеуден артық болмағаны тиімді. Мұғалімнің педагогикалық жүктемесін бөлу критерийлері:

• 
  қызметтік нұсқаулығына сәйкес педагогикалық және кәсіби шеберлігінің жоғары деңгейі, оның ішінде – тілдерді білуі (жарамды сертификаттарының болуы);
  
• 
  оқушыларының Кембридж Халықаралық Емтихан Кеңесі (МЭСК) қорытындысы және басқа да сыртқы мониторингтерінің нәтижесі.
  

Үйірмелерді жүргізуде оқушылардың жеке қызығушылықтары мен қабілеттеріне басымдық беріледі.

1. Үміткердің біліктілігін растайтын құжатының болуы немесе аталған салада нәтижелі жұмыс тәжірибесінің болуы;

2. Танымдық және дамытушылық міндеттерді шешуге бағыттайтын ерекше курс бағдарламасының болуы;

3. Шеберлік сыныптары, көрмелер, жобалар таныстырылымы және басқа да белсенді формалар арқылы курсты насихаттауы;

4. Үйірме мүшелерінің саны 7-12 оқушыдан аспауы.
Элективті курстар – 7-11-сынып оқушылары үшін таңдау бойынша, пәндік білімін тереңдету және кәсіби бағдар беру мақсатында жүргізілетін міндетті курстар. Элективті курстарды ұйымдастыруда онлайн-тіркелудің нәтижесі бойынша анықталған оқушылардың жеке қызығушылықтары мен қабілеттеріне басымдық беріледі.

Элективті курстар бойынша педагогикалық жүктемені бөлу критерийлері:

• 
  мұғалімнің Назарбаев Зияткерлік мектебіндегі жұмыс тәжірибесінің 1 жылдан кем болмауы;
  
• 
  өткен жылғы жұмысының нәтижелігі: пәндік олимпиада, ғылыми байқаулар мен жарыстар жеңімпаздарын дайындау тәжірибесінің болуы;
  
• 
  STEАM бағыттарына негізделген айрықша курс бағдарламасының болуы;
  
• 
  тілдерді меңгерудің қажетті деңгейі:
  

Тәлімгерлік – белгілі бір уақыт аралығында тәжірибелі қызметкер өзінің білімімен, білік-дағдысымен жас және жаңадан келген әріптесімен бөлісуі арқылы қызметкерді оқытудың бір жолы. Тәлімгерлік мұғалім-модератор, мұғалім-эксперттің кәсіби қызметінің міндетті шарты болып табылады.

• 
  өз тәжірибесімен, білік-дағдысымен бөлісуге дайын болуы;
  
• 
  НЗМ жүйесінде жұмыс тәжірибесінің 2 жылдан кем болмауы;
  
• 
  тілдік сертификаттарының болуы: IELTS - 4.0-ден кем болмауы (ағылшын тілі мұғалімдері үшін 7.0-ден кем болмауы), ҚазТЕСТ - «ортадан жоғары» деңгейінен төмен болмауы (орыс тілінде сабақ беретін мұғалімдер үшін «орта» деңгейден төмен болмауы);
  
• 
  мектепішілік және одан тыс жерлерде (желілік қауымдастық) көшбасшылық пен сындарлы кері байланысты қамтамасыз етуі;
  
• 
  деңгейлік курсы (2 немесе 1 деңгей) немесе мұғалімдердің кәсіби біліктілігін жаңартылған бағдарлама бойынша жетілдіру курсы сертификаттарының болуы;
  
• 
  «мұғалім-модератор» және одан жоғары аттестаттау деңгейінің болуы;
  
• 
  басқалардың пікірімен және бастамасымен есептесуі;
  
• 
  республикалық және халықаралық деңгейде жеңімпаз оқушыларының болуы;
  
• 
  өзгелерге үлгі бола отырып, оларды ынталандыра алуы;
  
• 
  ғылыми конференцияларда жарияланған мақалалары бар және әдістемелік құралдардың авторы.
  

- ӘБ меңгерушісі қызметіне сайланатын үміткер ұжыммен бірге жұмыс жасай алуы, зиялылық, адамгершілік, креативтілік, жауапкершілік, жоғары құрылымдар алдында бірлестік ой-пікірін жеткізе алатын қасиеттері болуы қажет.

- НЗМ жүйесінде 2 жылдан кем емес еңбек өтілі бар.

- ӘБ меңгерушісінің біліктілігі «мұғалім» біліктілігінен кем болмауы тиіс.

- Тілдер білуі: IELTS - 3.5-тен кем емес, ҚазТест - «орта» деңгейден төмен емес.

МҰҒАЛІМДЕРДІҢ ЗЕРТТЕУШІЛІК ҚЫЗМЕТІ

Action research (AR) - педагог өзінің шешімі мен әрекетін басқару, түзету және бағалау мақсатында қалыптасқан мәселелерді ғылыми әдіс арқылы шешуге тырысатын үдеріс. Мектептегі зерттеушілік мәдениетті дамыту үшін әрбір мұғалімге кішігірім зерттеулер жүргізу ұсынылады.

Lesson Study ретінде мұғалімдер тобының жоспарлау, сабақ беру, бақылау, оқыту және сабақ берудің талдауын, сондай-ақ шешімдерді құжаттандыруды бірігіп жүзеге асыру түсініледі. Өткізілген зерттеулердің қорытындысы НЗМ ДББҰ-ның желілік және мектепішілік журналында жарияланады.

Мектепте педагогтың кәсіби, коммуникативтік және жеке құзыреттілігін дамыту мақсатында мұғалімдердің кәсіби даму жүйесі қалыптасқан. Мектеп миссиясы мен құндылықтарына сәйкес аптаның әр сейсенбісі мұғалімнің кәсіби даму күні ретінде белгіленген.

«Үздік мұғалім» номинациясы оқу жылының қорытындысы бойынша соңғы қоңырау салтанатты жиынында табысталады. Әрбір педагог аталған номинацияны алуға талпынуы тиіс. Мектепте педагогтарға қойылатын талаптардың бірі – барлығына: әріптестерге, оқушыларға және ата-аналарға жеке үлгі болу. Мұғалімнің жан-жақты тұлғасы академиялық білімді, әлбетте азаматтық ұстаным мен мектептегі белсенді өмір салтын айқын көрсетеді.

1. Оқушылардың пәндер бойынша оқу нәтижелері: мониторинг, СЖБ, КХЕК (білім сапасы 80%-дан кем болмауы тиіс).

2. Оқушылардың оқу жетістіктері: олимпиадалар, ғылыми жобалар, шығармашылық байқаулар (халықаралық, республикалық, желілік).

3. Авторлық және ISBN алу.

4. Ғылыми-әдістемелік жарияланымдар (халықаралық, республикалық).

5. Ғылыми-тәжірибелік конференциялар мен өзге кәсіби форумдарға қатысу және сөз сөйлеу (халықаралық, республикалық, желілік).

6. Шығармашылық және жұмыс топтарына, мектеп жобаларына қатысым жасау ( іс-шараларға қатысу).

7. Біліктілік талаптарына сай тілдік құзыреттілігінің болуы.

8. НЗМ тәжірибесін ҚР жалпы білім беретін мектептерінің мұғалімдеріне тарату (халықаралық, республикалық, облыстық).

9. Мектепте үйірме жұмыстарын жүргізуге бастамашылық жасау.

• 
  мектепішілік іс-шараларды өткізу барысында тілдерді қолданудың келесідей арақатынасын сақтау: 50% - мемлекеттік тіл, 30% - ағылшын тілі, 20% - орыс тілі;
  
• 
  үйірме жұмыстарын үш тілде жүргізу;
  
• 
  8-12-сыныптарда элективті курстарды қазақ және ағылшын тілдерінде өткізу;
  
• 
  мектепке безендіру жүргізуде үш тілді қолдану;
  
• 
  мектептің веб-сайты мен әлеуметтік желілердегі парақшаларын үш тілде жүргізу.
  

НЗМ қызметкерінің ұстанымы мемлекет ішінде және одан тыс әртүрлі іс-шараларға қатысу арқылы жинақталған тәжірибемен бөлісу болып табылады.

- зерттеу тақырыбының сапасын анықтау (теориялық жинақталған әдістерді, есептерді, сызбаларды, модельдерді тәжірибе жүзінде тексеру; жаңа педагогикалық технологиялардың сапасын анықтау анализі және т.б.);

- зерттеу нәтижелерін жинақтау және тарату (шеберлік сағаттары, дөңгелек үстел және т.б.).

Ұсынылатын жұмысты бағалау критерийлері:

1. 
   Зерттеу тақырыбының өзектілігі.
   
2. 
   Өткізілетін іс-шаралардың тақырып мазмұнымен сәйкестігі.
   
3. 
   Тәжірибелік тұрғыда маңыздылығы.
   
4. 
   Қолданылу келешегі.
   
5. 
   Мазмұнының сонылығы (75%-дан кем емес).
   
6. 
   Оқушылардың оқу жетістіктері мен мұғалімнің кәсіби өсімінің оң динамикасы.
   

- Халықаралық ғылыми-тәжірибелік конференция;

- Назарбаев Зияткерлік мектептері педагогикалық қызметкерлерінің тамыз конференциясы;

- Наурыз кездесулері;