Бизнеске кіріспе
жүктеу/скачать 2,36 Mb. Pdf көрінісі
|
Kadirbergenova1
- Бұл бет үшін навигация:
- Жобалалық құрылым
- Матрицалық құрылым
| модульдік құрылым
болып табылады. Ол бір басшылыққа бағынатын операциялық модульдер жүйесінен тұрады. Сонымен қатар, бірте-бірте желілік ұйымдардың дамуымен байланысты, олардың өзіндік икемді құрылымдары жасалына бастады. Мұндай желілік кәсіпорындар жаңа әріптестерді өзіне біріктіріп, бір уақытта өзінің жұмыскерлерін ұйымдастырып, бағыттап отырады. Желіге кіретін кәсіпорындар тікелей коммуникациялық байланыстар арқылы өзара қарым-қатынас жасайды. Бұл оларға өздерінің жүйелік қызметін оңтайлы бағыттап отыруға көмектеседі. Кәзіргі уақытта адаптивтік немесе органикалық құрылымның негізгі екі түрі қолданылады: Жобалалық құрылым –бұл нақты шешімдерді шешу үшін құрылған, уақытша басқару органдары. Оның мәні - күрделі жобаны 124 жүзеге асыру үшін кәсіпорынның ең жақсы маманданған кадрларын жинау болып табылады. Жоба аяқталғаннан кейін команда таратылады. Матрицалық құрылым –жоба топтарының мүшелері жоба басшысына бағына отырып, тұрақты қызмет атқарып жүрген функционалдық бөлімдерінің басшысына да бағынады. Матрицалық құрылымнның негізгі кемшілігі – оның күрделілігі. Соның өзінде құрылым салалық өндірісте, химиялық, электрондық, есептеу техникасы өндірісі барысында, сонымен қатар банктерде, сақтандыру жүйелерінде қолданылады. Ұйымдық құрылымды қалыптастыру үрдісі мақсаттар мен тапсырмаларды жүйелеуді, бөлімшелердің құрылымы мен орнын анықтауды, сонымен қатар оның құжаттары, жағдайы, әдістерін өзіне біріктіреді. Аталған бүкіл жүйені үш негізгі кезеңге бөліп қарастырсақ болады: 1. Жалпы ұйымдық сызбаны қалыптастыру. Бұл кезеңде кәсіпорынның негізгі сипаттамасы анықталады 2. Негізгі бөлімшелердің құрылымын және олардың арасындағы байланысты әзірлеу. Бұл кезеңде сызықтық функционалдық және бағдарламалық нысандық бөлімдер арасында ғана емес, басқару аппаратының дербес бөлімшелері арасында да ұйымдық шешімді әзірлеу қарастырылады және сонымен бірге олардың арасында нақты тапсырмаларды бөлу мен ұйымішілік байланыстарды құру көзделеді. Дербес (базалық) бөлімшелерге мыналар жатады: бөлімдер, басқарушылар, секторлар, бюро, зертханалар және олар сызықтық- функционалдық және бағдарламалық-нысаналық кіші жүйелерге бөлінеді. Дербес (базалық) бөлімшелердің өздерінің ішкі құрылымы болуы мүмкін. 3. Ұйымдық құрылымды реттеу – басқару аппаратының мінездемесі мен басқару қызметінің тәртібін қарастырады. Ол өзіне мыналарды біріктіреді: базалық бөлімшелердің ішкі элементтерінің құрылымын анықтауды; нақты орындаушылар арасында орындалатын тапсырмаларды белгілеу; оларды орындау жауаптылығын белгілеу; бөлімшелер арасында басқарушылық жұмысты орындау тәртібін жасау. 125 Басқарудың тиімділігін анықтау үшін басқару жүйесінің және ұйымдық құрылымының сәйкестігін анықтау керек. Ол міндеттер мен мақсаттардың теңгерімділігіне, жұмыскерлер құрамының жұмыс көлемі мен қиындығына, қажетті ақпараттармен қамтамасыз етілуіне, технологиялық құралдармен қамтамасыз етілуіне байланысты. Ұйымдық құрылымды қалыптастыру бірнеше жүктеу/скачать 2,36 Mb. Достарыңызбен бөлісу:
|