Толымдылық– сүрекдiңдердiң 1,3 м биiктiгiндегі көлденең қима аудан қосындыларының сол жастағы және сол биiктiктегi қалыпты сүрекдiңнiң көлденең қима ауданы қосындысына қатысымен анықталатын ағаштардың тығыз тұру дәрежесi. Салыстырмалы толымдылық әр саты үшiн ағаш түрлері бойынша анықталады.
Биiктiгi 3 м-ге дейiнгi алқа ағаштар үшiн толымдылық орман шымылдығының тұтасу дәрежесiмен қойылады, ал табиғи тектi, жанасу кезеңiне келмеген балауса ағаштар үшiн сүректi өсiмдiктердiң 1 га-ға шаққандағы санымен қойылады.
Қалыпты сүрекдiңдер толымдылығы бiрлiк ретінде қабылданады, жекелеген жағдайларда (өте қалың алқа ағаштарда) ол бiрлiктен жоғары болуы мүмкiн. Сиректенген сүрекдiңдер толымдылығы бiрлiктiң ондық бөлiгiмен көрсетiледi. 0,8 және одан жоғары толымдылықтағы сүрекдiңдер жоғары толымдылықты деп, 0,6-0,7 орта толымдықты және 0,4-0,5 төмен толымдықты деп саналады. 0,3 және одан төмен толымдылықты учаскелер орман сипатын жоғалтып, сирек ормандар деп аталады.
