Аммиак селитрасын қолдану. Аммиак селитрасын әр түрлі топырақтарға қолдануға болады. Бірақ физиологиялық қышқылды тыңайтқыш болғандықтан, оны бейтарап және сілтілі реакциялы топырақтарға енгізген тиімді.
Аммиак селитрасын барлық ауыл шаруашылығы дақылдарына қолдануға болады.
Аммиак селитрасын кез келген тәсілмен: себер алдында негізгі тыңайту, қатарлап немесе ұялап себумен бірге және үстеп қоректендіру ретінде қолдануға болады.
Аммиак селитрасын кез келген мерзімде енгізуге болады: көктемде тұқымды себер алдында, өсімдіктің вегетациялық кезеңінде, күзде де топырақты жыртар кезде. Бірақ ылғалы мол аудандарда және суармалы жерлерге күзде қолданудың қажеті жоқ, өйткені оның нитратты азоты шайылып кетеді.
