Ғылыми конференциясының материалдары

1. 
   Раушанов Е. Бозаңға біткен боз жусан: Өлеңдер мен поэмалар. –Алматы: Раритет, 2006. – 384 бет.
   
2. 
   Қали C. Ұлт музасының намыс нотасы / Алматы Ақшамы 20. 03. 2015 ж.
   
3. 
   Раушанов Е. Періштелер мен құстар. –Алматы: Көркем, 2005. – 265б.
   
4. 
   Қабдолов З. Сөз өнері. – Алматы: TST – company, 2006. – 360 б.
   
5. 
   Құлиев Ж. Әбілһаят іздеген айбоз ақын / Егемен Қазақстан, 30.01. 2016 ж.
   

Табиғаттың теңдесіз күшімен, жаратқанның құдіретімен мына жарық дүниеде он сегіз мың ғаламда әр құбылыстың өлшемі өз арнасы болады екен. «Судың да сұрауы бар» демекші, әр адамның да өлшеп берген өмірі, өзіне тән тағдыры болады екен. Тағдыр демекші, тарихқа көз тастап қарасақ, адамзат баласы талай тауқыметті тағдырды басынан өткізіп, ұлт болып өз еншісін алып, бүгінгі күнге жету жолында еңбек еткен, ел үшін, жер үшін өз ғұмырларын арнаған талантты тарихи тұлғалардың тағдыры, өмірі бізді таңдандырып, ойландырып сырын білдіруге, олардан үлгі алып үйренуге жетелейді. Осы барыста ең асылын екшеп алып, тарихтан-тарихқа қалып болашаққа нұрын шашып отырады. Қарға тамырлы қазақтың өркендеп өсуіне сансыз саңлақ нар тұлғалар халқының қалауынан шығып, Тәуелсіз Қазақстанның, қазақ халқының мәңгілік ел болып қалуына жол ашып, жаңа Қазақстанның қалыптасуына зор үлес қосты. Соған дәлел – сөзімнің тиегі ұрпаққа үлгі, жастарға рух берер елінің мақтанышы, қос өнердің жұлдызы, елін рухани байлығымен сусындатып, артына өшпестей із қалдырған тұлға, әйгілі суретші, спортшы Бексейіт Түлкиев 1955 жылы қаңтардың 22-жұлдызында қазіргі Оңтүстік Қазақстан облысы Төле би ауданы Қасқасу ауылында дүниеге келген. Жастайынан сурет өнеріне ерекше ынта білдіріп әрі спортқа әуес болып өскен. Кейін 1981 жылы Мәскеудегі жоғары көркемөнер кәсіп училищесін (бұрынғы Строганов училищесін) бітірген. Оның «Замандастар», «Әке», «Ата-баба жері», «Суретшінің түсі», «Әже», «Әкені майданға шығарып салу» секілді т.б. кескіндемелік туындылары ел арасында танымал. Тынбай еңбектенудің арқасында талантты суретшінің туындылары 1939 жылы бүкілодақтық және халықаралық көрмелерге қойылып, жастар көрмесінің лауреаты және КСРО халық шаруашылығы көрмесінің дипломанты болды. Бейнелеу өнері қиялға қанат байлап, шабытқа бөлейді. Шетелдіктер халқымызды алдымен осындай мәдениеті, өнері және тарихы арқылы таниды. Бұл өнердің ұшқыны сонау ерте сақ, ғұн замандарынан басталып, бастауында тұңғыш суретшісі Шоқан Уәлиханов және өткен ғасырдың орта тұсында Ә.Қастеев, С.Мәмбеев, Х.Наурызбаевтар тұрды. Солардың ізін басқан, халықтық өнерді өрге сүйреген Бексейіт Түлкиев өзіне тән бейнелеу ерекшелігінен күннен келген ақ сәуленің жер бетінде сансыз түрге айналып, табиғаттың көркем құбылыстарын бейнелейді. Сонымен бірге Бексейіт шығармашылығының тынысы кең көркемдік ой санасы еліміздің кең даласындай шексіздікті меңзейді. Өзіндік стилімен, өзгеше жанрымен қазақ сурет өнеріне өз қолтаңбасын қалдырды деп ойлаймын.

Ол өз халқын, өзі өсіп-өніп шыққан өлкесін, туған елінің арыстарын шын жүрегімен қабылдап, оларға тағзым ету нәтижесінде осындай теңдесі жоқ көркем шығарманы жазу үшін, әрине, көп ізденісте шыңдалған. Кәсіби суретшілікті талап етеді. Ол туралы өзі былай дейді. «Ұлы көштің алдында тұрып тұлпар үстінде тізгінін ұстаған – ұлы бабамыз әз машайық, Хазірет Сұлтан Қожа Ахмет Ясауи. Мен бұл бейнені оның «Құдайдың құдіреті туралы толғау» атты өзі жазып ұрпағына қалдырған хикметтерін оқи отыра сомдадым. Сөйтіп ислам діннің шам-шырағы Ахмет Ясауидің жан дүниесін, рухани әлемін халқыма осы образ арқылы жеткізгім келді деген және осы шағарма туралы Қазақстан Республикасы парламентінің депутаты әлем кубогының чемпионы, Еуропа чемпионы, Олимпиаданың күміс жүлдегері Серік Қонақбаев былай дейді: «Киелі туынды екен, бір рет көрген жанның көз алдынан кетпей қояды» ...Жанына бір рет жақындаған жанды еш уақытта өзінің әсер аясынан алысқа жібермей тұтқындап алатын сиқыр бар, өзіне караған жанды ерекше әсерге бөлейді дегендей, шынымен де, тарихи деректер мен жанашыл идеяға аса шеберлікпен салынған ғажап туынды. Бұл мың қырлы аса күрделі полотно – картинаны көрем деуші жан болса, Алматы қаласындағы Елбасымыз Нұрсұлтан Әбішұлы Назарбаевтың шетел мемлекет басшыларын қабылдайтын резиденциясының үшінші қабатындағы биік ұзын қабырғада ілулі тұр. Жан-жағынан алып шамдар күндіз-түні өз шырағын түсіріп, суретке сәуле шашып тұрады. Бексейіт айтты деген мынадай керемет ойлар бар: «Алла тағала әрбір суретшінің миына бір ғана жалғыз, дара қайталанбас код, шифр салып қойған. Сол код пен шифрдың аумағымен шеңбер аясынан адам асып кете алмайды. Демек, «Әркім әліне қарай шабады», «ата-бабамыз сақтардың өмірі ат үстінде өткен мұсылмандықтан бұрын Күнге, тәңірге табынған, ата-бабаларымыз сол себепті Алтын адам да сонау картинаның тұңғиық төріндегі Күннен шығып келе жатыр. Күн – шаңырақ, күннің шапағы, алтын сәулесі – уықтар... Ал оның керегелері, қабырғалары анау уықтар, арғы-бергі ата-бабаларымыз космос – ғаламның шырқау шегі. Соны біздің ата-бабаларымыз сан мыңдаған жылдар бұрын түсінген. Сол себепті де өзге халықтар секілді тас үйдің қабырғасынан терезе шығармай, космоспен тіке «байланыс» үшін шаңырақты ойлап тауып қабылдаған. Алтын адам табылған жерде, өзіңіз білесіз, алтын тостаған да шықты. Ондағы мынадай жазуды ғалымдарымыз оқып берді. «Бұл халық Күннен жаралған, Күнге табынған». Міне, қазақтың мықты философиясы».