Мектеп жасына дейінгі балалардың шығармашылық ойындарының сипаттамасы

Сәбилік кезеңнен бастап бала өзін қоршаған ортаны, өмір сүріп отырған айналасындағы заттар мен құбылыстарды ойын арқылы түсініп ұғынады. Тек көру, сипап-сезу,байқап – тану арқылы емес,тікелей араласып, іс әрекетке көшуін нақты қарым – қатынас барысында біледі.Осылайша ойын адамның өмір танымында шешуші мәнге ие болады. Ойын- балалар үшін оқу да, еңбекте те. Оқу үрдісі балалардың шығармашылық белсенділігі нәтижесінде жүзеге асады, ал шығармашылық қалыптастыру негізінде балаларда танымдық белсенділік қалыптасады. Ойын мектеп жасына дейінгі балалардың ойын, сабақ үстіндегі жұмысын түрлендіре түседі, олардың ойынға, пәнге қызығушылығын оятып, ынта-ықылас қоюына баулиды және оқушылардың зейінін, ойлауын,зерделеуін дамытады.Тәрбиешінің алдында мынандай міндеттер тұрады. Ол балалардың шығармашылық белсенділігін теңдестіру. Бұған ойынның құрамына әртүрлі рөлдерді қосу; әлеуметтік сферадағы әртүрлі өмірді, әртүрлі әдеби шығармаларды, ертегілерді, сонымен қатар, ертегідегі және шын өмірдегі персонаждарды қосады. Мысалы, балабақшада тәрбиеші полиция қызметкерін, от сөндіруші және жалмауыз кемпірді, Тазша баланы, дәрігерді қосады. Жалпы сюжетке мұндай рөлдерді қосу балалардың бейнесін белсендіреді, оларда жаңа күтпеген жағдайларды ойлауына мүмкіндік береді. Мазмұны ойлау білуге құрылған ойын процесінде балалардың білімі мен түсінігі айқындалып,тереңдей түседі.Ойын үстінде қайсыбір рөлді орындау үшін бала өзінің түсінігін ойын әрекетінде көрсетеді. Әртүрлі тәрбие жұмыстары- балалардың ғылыми дүниетанымын дамытудың, шығармашылық қабілетті қалыптастырудың қажетті құралы. Ойын балалардың негізі іс-әрекетінің бір түрі. Бала өмірі ойынмен байланысты. Бала ойынсыз өсе алмайды. Бұл өмір заңдылығы. Еңбек үстінде адамның көптеген ерекшеліктері дамиды, өмір сүру барысында ол түрлі жоолдармен жарыққа шығады. Шығармашылық жұмыстың басты мақсаты- оқыту мен тәрбиелеу арқылы ұлттық және әлемдік тәлім нәрімен сусындаған, болашақ халық игілігін жасайтын білімді де білікті маман тәрбиелейтін бағыт-бағдар беру. Педагог-психолог ғалымдарының зерттеуі бойынша әрбір жаста шығармашылыққа баулуда ерекше қабілет, бейімділік болады екен. Тәрбиеші баланың бойында шығармашылық белсенділік қалыптастыру үшін мынандай бағыт- бағдар беру керек:

• 
  Бала шығармашылықпен айналысу үшін жағдай туғызу;
  
• 
  Топта,ұжымда өзара шы,армашылық қарым-қатынас орнату;
  
• 
  Психологиялық қауіпсіздік, еркіндікпен қамтамасыз ету.