Рэкет – АҚШ – тағы гангстерлер қолданатын күшпен алу тәсілі, қорқыту, үркітумен дегеніне көндірушілік.
Санкюлоттар – (фр. sans-culottes) XVIII ғ. аяғындағы ұлы француз революциясы кезіндегі қала кедейлері – патриоттары, революционерлер осылай аталған.
Саяси блок –саяси одақ, саяси мақсаттарды көздейтін мемлекеттер, партиялар, партия ішіндегі топтар, қоғамдық ұйымдар арасында құрылатын одақ. Оған қатысушылар арнайы шарт пен міндеттер алады. Мысалы, соғыс шыға қалғанда өзара көмек беру немесе бірігіп басқа мемлекетке қарсв соғыс қимылдарын жүргізу немесе сайлауда кандидатурасын өткізу үшін одақтасу т.б.
Соғыс – мемлекеттер немесе таптар арасындағы өздерінің экономикалық және саяси мақсаттарын жүзеге асыру үшін жүргізілетін қарулы күресі, саясаттың күш көрсету арқылы жүргізілетін жалғасы. Соғыстың екі түрлі сипаты болады: әділетті, әділетсіз және азаттық, басқыншылық соғыс.
