Бақылау сұрақтары
Комплексонометриялық әдіс неге негізделген?
Қандай қосылыстарды комплексондар деп атайды?
Комплексон III –тің структуралық формуласын жазыңыз. Оның екінші атауы қандай?
Трилон Б мен магний тұзының өзара әрекеттесу реакциясының теңдеуін жазыңыз
Комплексонометриялық титрлеу үшін негізгі талаптарды атаңыз.
Комплексонометриялық әдісте рН қандай мағынаға ие?
рН анықтауда титрлеуге қандай талаптар қойылады?
Трилон Б-мен титрлеу барысында қандай индикатор қолданылады?
Комплексонометриялық әдісте индикатордың әрекеті неге негізделген?
рН 8,0-10,0 болғанда эриохром қара Т индикаторы қандай түсте бола-ды?
Эриохром қара Т -мен металдардың комплексі қандай түсте болады?
Трилон Б-ң ерітіндісін қандай жолдармен дайындауға болады?
Трилон Б титрін анықтауға бастапқы заттар не үшін қажет?
Комплексонометриялық әдіспен кальцийді анықтауды сипаттаңыз.
ТҰНДЫРУ АРҚЫЛЫ ТИТРЛЕУ
Мор әдісімен хлоридтерді анықтау
Күміс нитратының титрін анықтауға натрий немесе калий хлоридтерінің стандартты ерітіндісін пайдаланады.
Натрий хлоридінің стандартты ерітіндісін дайындау
Натрий хлоридін химиялық таза тұзынан (хч) дайындайды. Натрий хлори-дінің эквиваленттік массасы оның молярлы массасына (58,45 г/моль) тең. 100 мл 0,02 н NaCl ерітіндісін дайындау үшін:
m = 58,45∙0,02∙0,1 = 0,1169г NaCl алу қажет.
Аналитикалық таразыда 0,1169 г NaCl өлшеп алып, оны өлшеуіш колбаға салып, жартысына дейін дистилденген су құйып ерітеді, ерігеннен соң белгі-сіне дейін су құйып, жақсылап араластырады. Алынған ерітіндінің титрі арқылы нормальдылығын дәл есептейді.
Мысалы: Натрий хлориді өлшендісінің салмағы m = 0,1196г.
Достарыңызбен бөлісу: |
