Сұрақтарды тікелей қою ұсынылады. Қажетсіз абстракциялар немесе ғылыми тілде сөйлеу баланы шатастыруы мүмкін. Балаға негізгі ұғымдардың тізімін( жаңа сөздердің тізімін, суреттерін) берген жөн.
Оқу процесі
Оқытудың әртүрлі формаларын (мультисенсорлық тәсіл, ақыл-ой картасы, есте сақтаудың әртүрлі тәсілдерін қолдану, компьютерді пайдалану) қолдану: олар әсіресе дислексиясы бар балалармен жұмыста тиімді.
PowerPoint, кодоскоп, диаграммалар, шағын карталар, графиктер сияқты қосымша көрнекі таныстырылымдарды пайдалану.
Сабақтың негізгі идеясын бөліп көрсету және оларды әртүрлі тәсілдермен бірнеше рет қайталау.
Сабақ туралы нақты түсінік қалыптастыру үшін, мүмкіндігінше жазбаша немесе ауызша түрде қысқа, жақсы құрылымдалған түйіндемені ұсыну.
Сұрақтарға жауап беру тәсілдерін бейімдеу. Мысалы, сұрақтарға жазбаша жауап берудің орнына, оқушыға ауызша жауап беруге мүмкіндік беріңіз (оқу/жазудағы қиындығы бар оқушылар үшін), оқушыларға практикалық әрекеттер арқылы білімдерін көрсетуге мүмкіндік беріңіз.
