Негізгі мақсаты: өнімдерді ластан, бөгде ет кесінділерінен, құнсыз ет ұлпасынан, майдан тазарту, жүн, шырыш, шеміршек және т.б. кұрылымдарды алу. Кейбір субөнімдерді - бауыр, өкпе, көк бауыр, ет кесін
Негізгі мақсаты: өнімдерді ластан, бөгде ет кесінділерінен, құнсыз ет ұлпасынан, майдан тазарту, жүн, шырыш, шеміршек және т.б. кұрылымдарды алу. Кейбір субөнімдерді - бауыр, өкпе, көк бауыр, ет кесінділер майдан тазаланбайды.
Ішек қабықтарын дайындағанда, ең бірінші оларды ластан және тұздан тазалайды, ылғалдандырады және бөлшектеп кеседі.
Тұздалған ішекті суық суға ұстап жібітеді, ірі қара малдың ішегін 12-16 сағат, шошқа және қой ішектерін 2-3 сағаттай ұстайды.
Тым кепкен ішектерді бір тәулікке дейін ұстап, жібітеді.
Ылғалдандыру барысында олар бөртеді және созылғыш келеді. Суды ауыстырып отырады.
Суда жібіткеннен кейін, ішекті сумен жуады, ия болмаса ауамен үрлейді.
Ішектің бойында тесік кездессе, сол жерден кеседі. Егерде ішектің ішінде ішқұрт және шіріген жерлері болса түгелдей кесіп алып тастайды.
Жібітілген, жуылған және үрленген ішектерде әліде болса ласталған заттар қалса, айналдырып жылы сумен жуады. Осылай дайындалған ішектерді міндетті түрде сол мезгілде пайдалану керек, өйткені олар тез бұзылады.
Дайындалған ішектерді суық жерде тек қана 2-3 сағаттай сақтайды. Ал көп уақыт сақтау қажет болған жағдайда, оған күшті концентратты тұздық ерітінді құйып, температурасы 40С тан аспайтын орында ұстайды.
Ішек шикізатынан дайындалатын өнімдер
Ішек шикізаты шұжық дайындаудың басты өнімі болып есептеледі. Сонымен қатар ішек шикізаттарын аспаптарға арналған шек, балық аулауға арналған жіп және т. б. дайындауға пайдаланады.
