Қан қақыру (haemoptoe)- қақырықта қан аралас болу. Гемосидерин пигментінің түзілуінен және эритроциттердің ыдырауынан қақырық «тат» түсті, кейде ал -қызыл түсті, көпіршікті болуы мүмкін. Қан қақыру өкпе туберкулезінде, өкпе рагінде, пневмонияда, өкпе абсцессі мен өкпе гангренасында, бронхоэктатикалық ауруларда, трахеитте, ларингитте, өкпе артерияларының тромбоэмболиясында кездеседі. Ал- қызыл түсті қанқақыру – өкпе туберкулезіне, бронхогенді ракқа, бронхоэктатикалық ауруларға тән. Ал крупозды пневмонияның 2 сатысына «тат» түсті қанқақыру тән. Ол жоғарыда айтып өткен эритроциттердің ыдырауы мен гемосидерин пигментінің түзілуіне байланысты. Өкпе инфарктісі кезінде алғашқы 2-3 күнінде қақырықтағы қан жаңа күйінде болады, кейіннен 7-10 күннен кейін ол өзгере бастайды.
Достарыңызбен бөлісу: |
