Қақырықты жөтелді сипаттағанда қақырықтың көлемін, түсіне, иісіне, қандай қалыпта тез шығады соған мән беру керек. Шырышты, ақ түсті қақырық бронхтар мен өкпе паренхимасының шырышты қабатының қабынуының бастапқы сатысында кездеседі. Шырышты – ірінді қақырық ақ түсті немесе жер түстес өкпе мен бронхтардың қабыну ауруларында кездеседі. Өкпе ісінуінде көпіршікті сипатқа ие. Ірің аралас қақырықтар жағымсыз иісті – өкпе абсцесінде, бронхоэктаз, өкпе гангренасында кездеседі.
Таңертен пайда болатын жөтел – кавернозды өкпе туберкулезінде, өкпе абсцесінд, созылмалы бронхитте, бронхоэктаз ауруларында болады. Кешке пайда болатын жөтел – пневмонияда, бронхитте. Түңде пайда болатын жөтел – туберкулезде, жаңадан пайда болған түзілістерде, лимфагранулематозда. Үнемі пайда болған жөтел –көмейдің қабынуында, бронх қабынуында, кеуде аралығына лимфа түйіндері арқылы метастаз таралған кездеғ туберкулездің кейбір формаларында. Кезеңмен пайда болатын жөтел –жоғары тыныс алу жолдарының қабыну ауруларында, , пневмонияда, өкпе туберкулезінде, созылмалы бронхитте. Дауысының қаттылығы мен дауыс тембіріне байланысты қатты, ит үрген тәрізді жөтел – кеңірдектін ісіктермен қысылуында, истерияда, кеңірдектің зақымдалуында, ларингитте; қысқа, жай шығатын жөтел – крупозды пневмонияның алғашқы сатысында, құрғақ плевритте, өкпе туберкулезінің алғашқы сатыларында, көмей мен кеңірдектен аздаған шырышты алғанда, неврозда. Дауыс байламдарының қабынуында жөтел қатты шығады. Онда жаралар болған кезде жай ғана шығады.
Достарыңызбен бөлісу: |
