Науқастың шағымдары
Ас қорыту жүйесінің ауруы бар науқастардың шағымы , ас қорыту жүйесінің зақымданған бөлігіне байланысты әр түрлі болады.
Өңеш ауруларына байланысты мына шағымдар тән: дисфагия, өңеш бойының ауруы (одинофагия), қыжыл, өңешке байланысты құсу , өңештен қан кету.
Дисфагия –бұл тамақты қиналып жұту немесе мүлде жұта алмау. Орофарингеальды және эзофагеальды дисфагия түрлері бар.
Орофарингеальды дисфагия жиі ең алғаш тамақты жұтқан кезде, тамақ мұрын қуысына, жұтқыншаққа түсіп кету салдарынан пайда болады. Сонымен қатар науқаста жөтел пайда болады. Ол көбінесе ауыз қуысының, жұтқыншақтың ауруларында немесе жүйке жүйесінің зақымдануында кездеседі.
Достарыңызбен бөлісу: |
