Жаратылыстану-математикалық бағытта бейіндік оқытудың әдістемелік ерекшеліктері
жүктеу/скачать 0,99 Mb. Pdf көрінісі
|
| «Биология» оқу пәні
Республикамыздың мектептерінде жұмыс істейтін биология пәні мұғалімдерінің көпшілігі бейінді оқытудың жалпы белгілерін ғана біледі. Олар бейінді оқыту мен биологияны оқытудың дәстүрлі әдістерін сақтайтын жекелеген пәндерді тереңдетіп оқытудың арасындағы айтарлықтай айырмашылықты байқай бермейді. Бейінді оқыту процесінде шығармашылық мәселелерді шешу, биологиялық есептерді шығару, зертханалық және практикалық жұмыстарды орындау бойынша оқушыларды өзіндік жұмысқа тарту қажеттілігі анықталды. Мұғалімдер проблемалық және дамыта оқыту технологияларын және ынтымақтастықта оқыту технологиялары мен жобалық оқытуды барынша кең қолдануы тиіс. Жаратылыстану-математикалық бағытта «Биология» пәнін оқыту оқушылардың осыған дейінгі негізгі мектепте биологияны оқу барысында алған базалық білімдеріне сүйенеді. Мұның өзі жалпы биологиялық білім жүйесін аса жоғары теориялық деңгейде түсініп қабылдауға мүмкіндік береді. Пәннің мазмұны оқушылардың алдыңғы сыныптарда алған биологиялық білімдерін жинақтап, қорыта отырып бұл бағдарлама биологиялық заңдылықтарды, заманауи теорияларды, концепциялар мен ілімдерді терең мағынада түсінуге сонымен қатар биологияның қолданбалы маңызын да ашып көрсетуге, оқушылардың жаратылыстану-ғылыми көзқарасы мен экологиялық мәдениетін қалыптастыруға бағытталып құрастырылған [40]. Жаратылыстану-математикалық бағытта «Биология» пәнінің мазмұны негізгі мектепте оқып танысқан базалық жалпы биологиялық ұғымдарды енді 50 мазмұны жоғары ғылыми деңгейде, бірақ оқушыларға түсінікті түрде қабылдануын қамтамасыз етеді. Жаратылыстану-математикалық бағытта «Биология» пәнін оқытудың мақсаты: тірі материя, оның биологиялық құрылым деңгейлері туралы негізге алынатын түсініктерді қалыптастыру; тірі және өлі материяның жалпы белгілерін оқушыларға ұғындыру; жасушалық теорияның негізгі қағидалары туралы білім қалыптастыру; өсімдік және жануар жасушаларының құрылысы туралы түсінік қалыптастыру; органикалық және бейорганикалық заттардың рөлі туралы білім қалыптастыру; организмнің жеке даму заңдылықтары туралы түсінік қалыптастыру; органикалық дүние дамуының негізгі ретінде генетикалық заңдылықтар туралы түсінік қалыптастыру; адамның тұқымқуалаушылығына қоршаған ортаның қолайсыз факторларының зиянды әсері туралы түсінік қалыптастыру; Оқытудың міндеттері: түр және оның критерийлері туралы түсініктің мәнін ашып көрсету; эволюциялық ілімнің негіздері туралы білім қалыптастыру; экология пәні және экологиялық факторлар, экологияның міндеттері, экожүйелер, биоценоз, биосфера түсініктерінің мәнін ашып көрсету; экологиялық жүйелерге адамның іс-әрекетінің әсерін ашып көрсету; табиғатты қорғау бойынша қазақ халқының салт-дәстүрлерінің мәнін ашып көрсету; Қазақстанның табиғатын қорғау туралы Қазақстан Республикасының заңдарын негіздеу; цитологияның міндеттерін игеру; жасушалық теорияның негізгі қағидаларын меңгеріп алу; энергия алмасудың кезеңдерін және оның жасушадағы рөлін сипаттау; органикалық дүниедегі көбею әдістері мен жасушалардың бөліну типтерін игеру; организмнің дамуын және орта жағдайларын сипаттау; тұқымқуалаушылықтың негізгі заңдылықтарын ашып көрсету; өзгергіштіктің негізгі заңдылықтарын ашып көрсету; селекция және биотехнология негіздерін сипаттау. Жаратылыстану-математикалық бағытта биологияны оқытудағы күтілетін нәтижелер келесі құзыреттіліктердің қалыптасу деңгейлеріне сәйкес болуы керек [33, 34, 35, 36]: жүктеу/скачать 0,99 Mb. Достарыңызбен бөлісу:
|