«Қазақ әдебиеті» газетінің құрылу тарихы
Қазақ баспасөзіндегі орны бөлек басылым – «Қазақ әдебиеті» газетінің шыға бастауына 85 жыл толып отыр. Алғашқы саны 1934 жылы 10 қаңтарда жарық көрген газетті осы сегіз мүшел жүзінде небір марғасқа азаматтар басқарып, өсіп-өркендеуі жолында із қалдырған екен. Алғашқы редакторы Ғабит Мүсірепов болған бұл ұжымда Сәкен Сейфуллин, Ілияс Жансүгіров, Бейімбет Майлин қатарлы көрнекті тұлғалар қызмет атқарған.
Әу бастан-ақ ұлт мәдениетін көтеруді басты ұстанымы ретінде қабылдаған газет 1940 жылға дейін жарық көріп тұрып, белгісіз себептермен тоқтап қалады.
1955 жылы қайтадан жарық көре бастағанда, басылымның редакторы майдангер ақын Сырбай Мәуленов болады. 1956 жылдан бастап аптасына бір рет шығып келе жатқан әдеби басылым сол кезеңнен бері тек қазақ әдебиетінің ғана емес, қазақ ұлтының өзекті мәселелерін көтере отырып, қоғамдағы салмақты орнын иелене алды.
Достарыңызбен бөлісу: |
