Мaзмұны нормативтік сілтемелер

КОДИФИКАЦИЯ – дұрыс деп танылған тілдік нормаларды қалыпқа түсіріп, жинақтап көрсету, бұдан да гөрі дәлірек айтсақ, тілдік нормалардың қалыпқа түсіп, жаппай қолданыс тапқандарын орнықтыру, заңдастыру, тіркеу.

МӘДЕНИЕТ – адамдардың материалдық және рухани байлықтарының, білімдарлық белгілерінің жиынтығы.

НОРМА – тілдің «туа біткен» қасиеттерінің бірі іспетті. Ол белгілі бір реттілік, жүйелілік құбылыс ретінде ауызекі сөйлеу тіліне де («халықтық тілге» де), әдеби тілдің ауызша қолданысына да, жазба тілге де тән.

ОРТОЛОГИЯ – сөздің (тілдің) дұрыстығы туралы ілім.

СӨЗ БАЙЛЫҒЫ – оның ғасырлар бойы басынан кешірген өмірінің, іс-әрекетінің, ақыл-ой жұмыстарының, рухани-мәдени қазынасының тілдегі көрінісі.

СӨЗ ЛОГИКАЛЫЛЫҒЫ – ойдың қайшылыққа ұрынбауын айтамыз.

СӨЗ ҚИСЫНДЫЛЫҒЫ – жеке сөздің, сөз тіркесінің грамматикалық тұлғалардың өз орнында қолданылуын айтамыз.

ТІЛДІК ЖҮЙЕ – тілде бар үлгілердің, қолданыс типтерінің (түрлерінің) белгілі бір тәртіппен келуі.

ТІЛДІК ҚҰРЫЛЫМ – осы жүйенің іске асқан (көрінген) материалдық мүмкіндіктері.

ТІЛДІК НОРМА – тілдегі бірізділік, тіл материалдарын нормалау деген сөз, белгілі бір тәртіп, заңдылыққа бағындыру.

ТІЛ ТАЗАЛЫҒЫ – айтайын деген ойымызды еркін жеткізу, сөйлегенде бөгде тілдік элементтерді – диалектілерді, варваризмдерді араластырмай сөйлеу халқымыздың асыл сөз қазыналарын тиімді пайдаланып, жатық, анық сөйлеу, әдеби тілде сөйлеу.

УЗУС – тілдік жүйеге қайшы келгенімен, тілдік дағдыға айналған қолданысты атағанды жөн санаймыз.

ЭТИКА – сөз нормалары (сөйлеу этикасының ережелері