Медицина факультеті
жүктеу/скачать 327,67 Kb.
|
Ìåäèöèíà ôàêóëüòåò³
| ЕСЕП 6.
50 жастағы науқас 8 жылдан бері алкогольдің аз мөлшеріне дамитын, ішінің жоғарғы бөлігінен арқасына тарайтын, күшті ауырсынуына, лоқсуға, жеңілдік әкелмейтін құсуға, жағымсыз сасық иісті, ботқа тәрізді, жылтыр, ас қалдықтарымен үлкен дәретке жиі баруына, жалпы әлсіздікке шағымданады. Емханадағы терапевтте нәтижесіз емделген. Ауруының өршуі кезеңінде оң жақ қабырға асты мен эпигастрий аймақтарының ауырсынуы, лоқсу, құсу болған және салмақ жоғалтуын, тері жамылғысының қуқылдығын байқаған. ҚЖА: эритроциттер 4,0×1012 , Hb 137 г/л, лейкоциттер 6,8×109, ЭТЖ 24 мм/сағ. Копрограммада: полифекалия, сасық жағымсыз иісті, креаторея, амилорея, көп мөлшерде нейтральды майлар. 3. Науқастың шағымдарының даму механизмін түсіндіріңіз. 2. Объективті тексергенде қандай белгілер анықталуы мүмкін? 3. Қандай ауру деп ойлайсыз? ЕСЕП 7. 56 жастағы әйел дәрігерге келесі шағымдармен келді: ұзақтығы 1,5-2 сағатқа созылатын, спазмолитикалық дәрілер мен ферменттер ішкенде басылатын, тамақ ішкенде немесе тамақтан соң бірденінен дамитын іштің жоғарғы бөлігінің “белдеме тәрізді” ауырсынуы, ішінің шұрылдауы, кебуі, әсіресе майлы қуырылған тағамнан кейін үлкен дәретке жиі баруы, салмақ жоғалту, әлсіздік. Анамнезі: 7 жылдан бері өзін науқас деп санайды. Созылмалы гастритпен ауырады. Соңғы 3 айда көп мөлшерлі, қорытылмаған ас қалдықтармен, сасық иісті нәжіспен ішінің өтуі мазалайды. Соңғы өршуі ет қосылған, қуырылған бәліш жегеннен кейін басталған. Объективті тексеру: жалпы жағдайы қанағаттанарлық, ашушаң, тері жамылғылары бозғылт, құрғақ. Дене салмағы 48 кг, бойы 162 см. Тілінде ақ шөгінді, іші кепкен. Ішінің беткей пальпациясында эпигастрий аймағы мен сол жақ қабырға астында ауырсыну бар, іш бұлшық етінің кернеулігі жоғары. Мейо-Робсон, Дежарден, Шоффар, Губергриц нүктелерінде ауырсыну бар. ҚЖА: эритроциттер 3,4×1012 , Hb 110 г/л, түсті көрсеткіш 0,9, лейкоциттер 8,8×109, ЭТЖ 18 мм/сағ. Қан сары суында диастаза (Каравей тәсілімен) 50 мг/сағ×мл Копрограммада: нәжісі ботқа тәріздес, жылтыр, сасық иісті, полифекалия, креаторея, стеаторея, амилорея. УДЗ-де: ұйқы безінің өлшемдері үлкейген, контурлары тегіс емес, эхогенділігі әр түрлі, тығыздалу ошақтары бар. 1. Науқастың шағымдарының даму механизмін түсіндіріңіз. 2. Объективті тексергенде анықталған өзгерістердің даму механизмін түсіндіріңіз? 3. Қандай ауру деп ойлайсыз? жүктеу/скачать 327,67 Kb. Достарыңызбен бөлісу:
|