2 курстағы металды көркемдеп өңдеу пәні бойынша қосымша оқу материалдары негізінде студенттердің көркем шығармашылық белсенділіктерінің артуын төмендегі Сурет 2-ден көруге болады.
Қалыптастыру экспериментінің нәтижелері көрсетіп отырғандай 2 курс студенттердің көркем шығармашылық белсенділіктерінің деңгейі жоғарылай түсті. Бұл мәселе, студенттердің өздерінің іскерлік, белсенділік, ерекше өзіндік көркем қабылдау шамасына да байланысы белгіленді. Екіншіден, қол өнері бұйымдарын жасау барысында студенттердің жеке тұлғалық сапалық құнды қасиеттерінің артқандығы айқын көрініс тапты.
Сурет 2 –Сәндік қолданбалы өнері арқылы студенттердің көркем шығармашылық қабілеттерін қалыптасу динамикасы (2 курс) Қазіргі таңда қол өнер бойынша жұмыс жасалуы өте аз көлемде екендігі белгілі. Біз зерттеу жұмысымызда арнайы курс мазмұнын металды көркемдеп өңдеу пәнімен сабақтастықта қарастырдық. Сәндік қодланбалы өнер яғни, оның ішінде метал өнерімен айналысу нысаны – бұл белгілі технологиялық дағдылардың қосындысын меңгеруге мүмкіндік беретін оқытудың дидактикалық құралы. Ол бір мезгілде жас болашақ суретші зергер ұста-маманының танымдық жұмылдырушы, моральдық-еріктік және эмоциональдық қасиеттерін тәрбиелеуші құрал болуы қажет.
Ал, қол өнері, оның ішінде сәндік зергерлік қол өнері бұйымдарын дайындау қазіргі таңда арнайы орта көркем сурет оқу орындарынан бастап жоғары оқу орнының көркем сурет факультеттеріне дейінгі дейінгі аралықтағы көркем білім беру жүйесінің құрылымдарында оқытылады.Сәндік қолданбалы өнерін оқытуға байланысты теориялық және практикалық тұрғыдан педагогикалық талаптар белгіленді және оның оқытудағы тәрбиелік мүмкіндіктері анықталды. 2 курс студенттерінің көркем шығармашылық қабілеттерін қалыптастыру үшін сабақтан тыс студенттердің оқытушымен және өз бетімен жеке-дара жұмыстар түрінде және арнайы құрастырылған курстар пайдаланылды. Сондай-ақ бұл оқу жұмыстарының мазмұны қазіргі заманға сәйкес көркем білім беру мен іскерлікті, көркем шығармашылық қабілеттерді қалыптастыруды көздеді.Студенттердің өз бетімен жеке-дара жұмыстары “Қол өнері” бойынша, арнайы курсы сәндік қол өнері негізінде көркем шығармашылық жұмыстар бойынша, яғни 2 курс студенттеріне “Қол өнер –өнер көзі” атты арнайы курс бағдарламасы дайындалып сынақтан өткізілді. Оған 17 сағат жоспарланды. Арнайы курс бағдарламасында қарастырылған тақырыптар кесте 4 – берілді.
