Тәжібаев Әбділда (1909-1998)
– ақын, драматург, аудармашы.
Қызылорда қаласында туған. 1948 жылы қазіргі әл-Фараби атындағы
ҚазҰУ-ді бітірген. КСРО жазушылар одағы жанындағы Жоғары әдеби
курсында оқыған. «Лениншіл жас» газетінде редактордың орынбасары,
ҚазМемКөркем әдебиет баспасының төрағасы, хатшысы, «Қазақ
әдебиеті» газетінің бас редакторы, Қазақ КСР ҒА М.О.Әуезов атындағы
Әдебиет және өнер институтында бөлім меңгерушісі қызметтерін
атқарған.
Торайғырұлы, Торайғыорв Сұлтанмахмұт (1893-1920)
– ақын,
ағартушы, сыншы. ХХ ғасыр басындағы қазақ әдебиетінің көрнекті
өкілдерінің бірі.
Тоқмағамбетов Асқар (1905-1982)
– Қазақтың көрнекті сатирик
ақыны. Қызылорда облысының Сырдария (Тереңөзек) ауданында туған.
Тұрманжанов Өтебай (1905-1978) –
ақын, аудармашы. Қазіргі
Оңтүстік Қазақстан облысы, Ордабасы ауданы аумағындағы
Жалғызағаш деген ауылда туған. Ташкентте №4 жетім балалар
үйінде тәрбиеленген. 1925 жылы Мәскеуде КУТВ (Шығыс
еңбекшілері Коммунистік университеті) бітірген соң, Ташкенттегі
Орта Азия Коммунистік университетінде оқыған. Абай атындағы
Қазақ педагогикалық институтында сабақ беріп, Қазақ мемлекеттік
баспасының оқу-әдістемелік секторын басқарады. «Әдебиет майданы»
журналы редакторының орынбасары және редакторы қызметтерін
атқарды. Ұзақ жылдар бойы «Жазушы» баспасында бөлім бастығы
болып істеді. Елуге тарта кітап шығарған.
Ысмайылов Есмағамбет (1911-1970)
– әдебиеттанушы ғалым.
Қазіргі Ақмола облысы, Еңбекшілдер ауданында өмірге келген. Абай
атындағы ҚазПИ-ді бітіргеннен кейін Ұлт мәдениеті институтында,
«Коммунист» журналында қызмет еткен. 1939 жылдан бастап Қазақ
КСР Ғылым академиясының Тіл және әдебиет институтында, ҚазМУ-
де, М.О.Әуезов атындағы Әдебиет және өнер институында еңбек етті.
Филология ғылымдарының докторы, көптеген ғылыми еңбектердің
авторы.
Достарыңызбен бөлісу: |
