Білім беру бағдарламасы МҰҒалімге арналған нұСҚаулық
жүктеу/скачать 1,03 Mb. Pdf көрінісі
|
Мұғалімге арналған нұсқаулық
- Бұл бет үшін навигация:
- Құрылымдық аспектілер
|
Мазмұндық аспектілер Біз оқушыларды бағалау барысында барлық аспектілерді қамти алмаймыз. Сондықтан қолданылатын модельдің бізге қажетті салаға барыншы сәйкес болуы маңызды. Бұл біздің оқу мақсатын өте жақсы түсінуімізді және олардың қолданылып жүрген тапсырмалармен немесе бағалау элементтерімен байланысын көрсетуге дайын болуымызды қажет етеді. Бағалау тапсырмаларын әзірлеу барысында тапсырмалардың/сұрақтардың мазмұны мұқият қарастырылуы тиіс. Кейде бұл бағалау тапсырмалары мен элементтерін әзірлеуге немесе таңдауға дейін спецификацияны (сипаттамасын) жазу үшін біраз уақытты қажет етуі мүмкін. Стандартталған тест тапсырмалары мен жоғары деңгейлі бағалау тапсырмаларын әзірлеу барысында тест құрастырушылар пән бойынша білікті мамандарға, тәжірибелі мұғалімдерге жүгінеді. Бұл спецификация мен сәйкес бағалау элементтерінің мазмұнының оқу барысында қарастырылған материалға сәйкестігін тексеруге мүмкіндік береді. Бұл әріптестер мен оқушылардың талқылауын қамтуы да мүмкін. Бағалау құралдары қарастырылатын оқудың сипатын шынайы қамтамасыз ететін болса, онда осы оқу мақсаттары бойынша оқушылардың жетістіктер туралы негізделген шешім шығару мүмкіндігі артады. Құрылымдық аспектілер Бағалау мақсаттарының бірі - тұлғаның қажетті дағдылары мен біліктерінің қаншалықты дамығанын анықтау болып табылады. Мұны айқындауда валидтіліктің құрылымдық аспектілері көмектесуі мүмкін. Құрылымдық аспектілер – бұл ойлау немесе пайымдау сияқты бағалау барысында назар аударылатын тұлғаның ерекше психологиялық қасиеттері немесе сипаттамалары. «Математика» пәнінен бағалауда бұл «проблемаларды 35 шеше білу» немесе «математикалық пайымдау» болуы мүмкін. Оқылым дағдысын бағалауда бұл көбіне «түсіну» дегенді білдіреді. Құрылымдық аспектілерін валидтілік дәлелдемесі ретінде қарастырған кезде, біз бағалау нәтижесі белгілі бір дағды мен біліктердің қалыптасқаны туралы шешім шығару үшін қандай деңгейде қолданылатынын қарастырамыз. Әдетте бағалау нақты дағды мен біліктерді меңгеру сипаттамаларына бағытталғандықтан, валидтілікті бағалауда құрылымдық аспектілердің үлесі жоғары. Бағалау тапсырмаларында құрылымдық аспектілерді қарастыра отырып, біз құрылымдық аспект дегеніміз не және ол қалай көрініс табатынын анық түсінуіміз керек. Виггинс (1998) құрылымдық аспектілер жөнінде түсінік қалыптастыруға көмектесетін төмендегідей сұрақтарды ұсынады: Оқушы түсіну немесе бағалау дағдыларының күтілетін деңгейіне қатысы жоқ болуы себебінен тапсырманы жақсы орындауы мүмкін бе? Оқушы түсіну немесе бағалау дағдыларының күтілетін деңгейіне қатысы жоқ болуы себебінен тапсырманы нашар орындауы мүмкін бе? жүктеу/скачать 1,03 Mb. Достарыңызбен бөлісу:
|