Психологиялық білімдерді меңгерудің ерекшеліктері

Психологиялық білім ұзақ уақыт бойына жаратылыстану-ғылыми болып танылғанына қарамастан, қазіргі кезде гуманитарлы болып саналады.

1. 
   Психология ғылымының тану, пәні – салыстырмалы түрде, тұрақты тұлға болып табылады. Ол жас ерекшелігіне әрі іс-әрекетінің сипатына қарай өзгеріп отырады. Сондықтан, тұлғаны танудағы нақтылық мүмкін емес. Тұлғаны аяғына дейін тану да мүмкін емес. Тұлғаның танылуы нақтылықтан гөрі терең зерттеуді (В.Я.Ляудис, 2003) қажет етеді.
   
2. 
   Психология ғылымының тану пәні де, танушысы да – тұлға болғандықтан, осы тану үрдісі диалогты болып табылады. Соған орай психологиялық ақиқатты тану үрдісі танушы адамның жеке дара ерекшеліктері арқылы өзгеріске ұшырап, ол танылған қасиеттерді өзінің ерекшеліктеріне теледі. Мұндай құбылыс психологиялық емес құбылыстарды тануда (физикалық, химиялық) байқалмайды.
   

3. 
   Психологиялық құбылыстарды тану үрдісі тек қисынды болып қоймай, бейнелі және көрнекі-әрекеттік ойлаудың, сондай-ақ жетілген естің де қамтылғанын талап етеді. Психолог-студент бейнелеп ойлай білуі керек, бейнелерді еркін араластырып және естегі бейнелермен үйлестіре білуі қажет. Мәселен, кеңесші-психолог қызметінде клиентті қайсібір жағдайларға (жанұя, басшысы, қол астындағылар, достарымен өзара қарым-қатынас) орналастырып, оның ойындағы бейнелерді еркін пайдалана алуы қажет. Бұл клиенттің проблемасын жете түсініп, шешуге мүмкіндік береді.
   

• 
  түсініктер жүйесін (тезаурус, анықтама, суреттемелер);
  
• 
  психологиялық құбылыстың қызметтерін (мәні);
  
• 
  механизмдерін (құбылыс қалай пайда болды және қызмет ететіні);
  
• 
  түрлерін;
  
• 
  заңдылықтарын (заңдары, ережелері, қасиеттері);
  
• 
  дара, жас және жыныстық ерекшеліктерін;
  
• 
  даму және қалыптасу заңдылықтарын (онтогенезде, тіпті филогенезде);
  
• 
  бұзылыстарын (ауытқулар);
  
• 
  психологиялық теорияларды;
  
• 
  зерттеу әдістерін қамту қажет.