Сабақтың гигиеналық жағдайы.
Класс бөлмелері жеткілікті жарық болды ма?
Оқушылар денсаулығы, бойы, үлгеріміне байланысты отырғызылған ба?
Сабақ кестесі дұрыс қойылған ба?
Кейбір әлеуметтік міндеттер.
Педагогикалық кеңес, әдістемелік бірлестік немесе мектептің зерттеуімен қабылданған шешімімен байланысты міндеттер.
Жағдайға байланысты талдау барлық параметр негізінде аталғандардың ішінен талдаудың бір-екі түрін ғана алуға болады.
Өзіндік талдау – мұғалімнің келесі сабаққа дайындалудың бастамасы.
Дәстүрлі емес сабақтар, немесе сабақтың жаңа түрлері
Қазіргі кезде қоғамның жаңару, білім парадигмасының өзгеруі, қалыптасқан сабақтың түрлерінен басқа дәстүрлі емес түрлерін өмірге әкелуде. Оқыту жұмысының ұйымдастырудың мұндай түрлерінің мақсаты - әр сабақтың мүмкіндігінің мол екенін көрсетіп жаңа сапалық сатыға көтеру. И. П. Подласыйдың «Педагогика» атты оқулығында мұндай сабақтың 36 түрі көрсетілген: «Іскерлік ойын» сабағы, «Миға шабуыл» сабағы, « Сот» сабағы, «Өзара оқыту» сабағы, «Аукцион» сабағы, «Конференция, панорама», "қойылым сабақ" , шығармашылық сабақ,т.б.
Дәстүрлі емес сабақтар туралы педагогтардың пікірінде қарама-қайшылықтар бар: біреулері педагогикалық ойлаудағы прогресс, демократияландыру бағытында дұрыс қадам деп қараса, екіншілері керісінше, мұндай сабақтар педагогикалық қағидаларды бұзу, оқығысы келмейтін балалардың жетегінде кету деп қарайды, өйткені әдеттегідей емес қызықты ойын түріндегі сабақтар оқушыларға өте ұнайды.
Достарыңызбен бөлісу: |
