Ppmk 1202 педагогика-психология мамандығына кіріспе
Психопрофилактикалық (алдын алу) жұмыстар
жүктеу/скачать 0,64 Mb.
|
УМК ППМК 2021-2022
| 2. Психопрофилактикалық (алдын алу) жұмыстар жүргізудің мақсаты педагогтарға жүйелі түрде психологиялық кеңестер бере отырып, олардың психологиялық сауатын көтеру. Білім алушыларда кездесетін психикалық ауытқушылықтың алдын алу шараларын жүргізу, бала психологиясындағы өзгерістер туралы ата-анаға дер кезінде психологиялық кеңестер беріп, олардың алдын-ала сақтандырып отыру. Мектеп жағдайындағы психопрофилактикалық жұмыстарға жататындар:
- балалардың мектептегі оқуға психологиялық даярлығын анықтау (ес, зейін, ерік, ойлау, сөйлеу, қабылдау т.б.); - бастауыш сынып оқушыларының мектептегі оқуға тез бейімделуін анықтап, ата-аналар мен педагогтарға ұсыныстар беру; - оқушылардың сыныптан сыныпқа көшу барысындағы психологиялық ерекшеліктеріне зерттеу жүргізіп, психологиялық кешеуілдеу мен ауытқушылықтарды анықтап, оны жоюға бағытталған шаралардың бағдарламасын жасау; - оқушылардың әрбір психикалық процестерінің, сезімі мен еркінің, қабілеті мен мінезінің дамуына үзбей зерттеу жүргізіп, ұсыныстар беру; - арнаулы бағдарламамен жұмыс жүргізуді қажет ететін оқушылар үшін пән мұғалімдерімен бірлесе отырып, арнаулы бағдарламалар дайындау; - интернат типіндегі мекемелерге қабылданатын оқушылар үшін арнайы психологиялық зерттеулер жүргізіп, олардың өзіндік ерекшеліктерін анықтау; - оқушылардың тұрмыс жағдайларына, оқу-тәрбие үдерісінің ерекшеліктеріне (күрделілік, олқылықтар, педагогтың өзіне тән психологиясын түсінбеу т.б.) байланысты олардың жүйке жүйесінің бұзылуының алдын алу; - педагогикалық ұжымда үйлесімді психологиялық ахуалды қалыптастыру, педагогтар мен оқушылардың, ата-аналар мен ұстаздардың арасында сенімді байланысты қалыптастырып, психологиялық ынтымақтастықты орнату. Психолог психопрофилактикалық жұмыстарды жүргізу үшін сынып жетекшілермен бірлесе отыра, оқушылар туралы мәліметтер жинақтайды: - дарынды оқушылар; - озат оқушылар; - үлгермеуші оқушылар; - ерекше назарды қажет ететін оқушы мәселесі; Сабақтарға қатысады: - оқушылардың жалпы білім деңгейін анықтау мақсатында; - оқушылардың психикалық процестеріне, мінез - құлық, темперамент ерекшеліктеріне зерттеу жүргізу мақсатында; - педагогтарға педагогикалық - психологиялық ұсыныстар беру мақсатында; Оқудан тыс шаралар ұйымдастырады: - педагогтар үшін психотерапиялық ойындар мен тренингтер өткізу; - педагогикалық-психологиялық консилиумдар өткізу; - ІХ-ХІ сынып оқушыларының кәсіби бейімділігін зерттеу; - оқушылардың жеке психологиялық ерекшеліктерін зерттеу; - педагогтар үшін психологиялық мазмұнда тұрақты семинарлар өткізу; Психопрофилактикалық жұмыс түрлері: психологиялық сауаттандыру, психологиялық кеңес беру, педагогикалық-психологиялық консилиум. жүктеу/скачать 0,64 Mb. Достарыңызбен бөлісу:
|