МАҚСАТЫ - Балалардың төрт мезгіл туралы түсініктерін кеңейте отырып, күз мезгілінің маусымдық
өзгерістері жайлы түсінік қалыптастыру.
- Балалардың ой-қиялдарын дамыту, өзін басқа заттың немесе тірі жанның орнына қойып сезіну
іскерліктерін дамыту.
- Балалардың шығармашылық қабілеттерін арттырып, ұйымшылдыққа, достыққа, жауапкер-
шілікке тәрбиелеу.
ҚАТЫСУШЫЛАР:
ӨТЕТІН КҮНІ:
УАҚЫТЫ:
ОРНЫ:
КЕЙІПКЕРЛЕР: Еркебала, әже, жүргізуші, Қыс, Көктем, Жаз, Алтын күз.
ҚАЖЕТТІ ҚҰРАЛ-ЖАБДЫҚ: жасанды сары жапырақтар, кереует, суреттер, безендіруге
арналған көрнекіліктер, интербелсенді тақта.
ҰЗАҚТЫҒЫ: 25 минут
БАРЫСЫ: БАСЫ (10 МИНУТ) Қатысушылар: Әжесі, Еркебала,
Музыкалық номер: Қойылымның барысы: Балалар көрермен болып отырады. Сахнаға кішкентай кереует қойы-
лады. Интербелсенді тақтада бөлменің суреті фон болып тұрады. Ортаға Еркебала жүгіріп шығады,
артынан әжесі келеді.
Әже: Еркебала, ұлым! Осылай күні бойы доп ойнап жүре бересің бе? Алаңсыз асыр салып,
таңнан кешке дейін ойын-сауық құрып жүретін жаз мезгілі аяқталып, күз мезгілі де келіп жетті.
Еркебала: Ой, әже, күз келсе не болыпты? Допты жыл бойы ойнауға болады емес пе?
Әже: Жылдың төрт мезгілі бар. Қыс, көктем, жаз және күз. Әр жыл мезгілі өзінше ерекше.
Адамдар табиғаттың өзгерістеріне сай іс-әрекет етеді. Әр жыл мезігіліне дайын болуымыз қажет.
Еркебала: Білемін! Қыста шанамен сырғанаймыз, қар ойнаймыз, жаңа жылды қарсы аламыз.
Көктемде мерекелер өте көп, соларды тойлаймыз. Жазда шомыламыз, ойнаймыз. Ал, күзде жаңбыр
жауады, балабақшаға барамыз, сабақ оқимыз. Күз келгенін қаламаймын.
