Өнім өндірудің әдіс-тәсілі технология

Мәселен, кітап басып шығаратын баспаханада тек екі ресурс - капитал мен жұмыс күші колданылады делік (6.4-сурет).

1 0 дана кітап шығару үшін капиталды көп, еңбекті аз мөлшерде (А) немесе еңбекті көп, капиталды аз көлемде (С) қолдануға болады.

Изоквантаның жоғары бөлігі капитал сыйымдылығы жоғары, төменгі бөлігі еңбек сыйымдылығы жоғары болатындай технологияны сипаттайды.

Егер өндіруші өндіріс көлемін арттыруды шешсе, өндіріс факторларының қосымша бірлігін өндіріске тартуды қажет етеді.
Ресурстардың белгілі бір құрамын пайдалана отырып қол жеткізілген өндіріс көлемінің максимум деңгейін көрсететін изокванталардың жиынтығы изокванталар картасы деп аталады.

Изокванталар да талғамсыздық қисықтарына ұқсас қасиеттерге ие;

• 
  олар координаталар басынан алыс орналасқан сайын олардың бойындағы ресурстар комбинациясы сол жағында орналасқан изоквантамен салыстырғанда көп өндіріс көлемін қамтамасыз етеді;
  
• 
  изокванталар бір-бірімен қиылыспайды;
  
• 
  изокванталардың жалпы нышаны, әдетте, теріс көлбеулі қисық түрінде болады. (дегенмен, ресурстардың өзара ауыстырылып-толықтырылуына байланысты, олардың нышаны ерекше сипатқа ие болады).
  

Сонымен изокванталар картасындағы әр изоквонта минималды көлемде қажетті өндіріс ресурстарының комбинациясын немесе белгіленген өнім көлемін өндірудің техникалық тиімді әдістерін көрсетеді.