Туякбаева айгуль шаймуратовна
Кешенді зерттеудің қорытындысы бойынша келесідей ғылыми
жүктеу/скачать 1,53 Mb. Pdf көрінісі
|
Туякбаева-А.Ш.-Диссертация
- Бұл бет үшін навигация:
- Қорғауға ұсынылған негізгі тұжырымдар
|
Кешенді зерттеудің қорытындысы бойынша келесідей ғылыми жаңалықтарға қол жеткізілді: – қазақ халқының ұлттық салт-дәстүрлеріне қатысты теориялық тұжырымдамаларға шолу жасай келе, отандық кинематографияның уақыт ағымында және қазіргі әлеуметтік кеңістіктегі орны кинотану ғылымында алғаш рет сараланды; – қазақ кинематографиясының қалыптасуы мен дамуына фольклорлық шығармалардың айрықша ықпалының мәні мен мазмұны ашылды; 9 – отандық фильмдердегі салт-дәстүрлерді қарастыра келе қазақ халқының әлеуметтік-мәдени дамуындағы ұлттық сана көріністері бағамдалды; – кеңестік және тәуелсіздік кезеңдеріндегі Қазақстан кинематографиясында ұлттық салт-дәстүрлер мен әдет-ғұрыптар бейнеленуінің негізгі тенденциялары анықталды; – ұлттық мәдениет пен рухани құндылықтарды дамыту және сақтау үшін халықтық салт-дәстүрлердің кинематографияда бейнеленуінің маңыздылығы дәлелденді; – жаңарумен және жаһанданумен сипатталатын қазіргі кездегі қазақ киносының трансформациясы бүгінгі қоғамда жүзеге асып жатқан әлеуметтік өзгерістер ауқымында түйінделді. Қорғауға ұсынылған негізгі тұжырымдар – кинематографиядағы салт-дәстүрлер ұлттық бірегейлік қалыптастыратын құнарлы негіз болып табылады, халықтың өзіндік келбетін сақтауға септігін тигізеді. Қазақ халқының дәстүрі мен мәдениетін тарихи тамырдан ажыратпаудың қуатты күші болып есептеледі; – кез келген халықтың рухани мәдениетін айшықтап көрсететін салт- дәстүрлердің кинематографиядағы көрінісінің ұлт мүддесіне сай шешімдері объективті түрде қарастырғанда айқындалады. Тәуелсіздік жылдарында жарыққа шыққан фильмдердің мазмұн-идеясы көпшілікті рухани құндылықтармен қайта таныстыру принципі мен үдерісін тереңдете түседі; – қазіргі жаһандану дәуіріндегі заманауи шығармалар идеяларының халықтық-әлеуметтік мәселелерге бағытталғандығы сценарий мен режиссерлік шешімдердің өзара үйлесімінде көрінеді; – ұлттық салт-дәстүрлерді кинематография арқылы көрсету ұлттық мәдениетті сақтау ісінде және алдағы уақыттағы бірегей дамуда айырықша маңызды аспект болып табылады; – халықтық әдет-ғұрыптар өзіне үлкен дидактикалық функция жүктейді және кинематография өзінің синтетикалық табиғатына сай рухани құндылықтарды трансляциялайтын аса үздік тәсіл болып табылады; – экран арқылы бейнеленген ұлттық салт-дәстүрлердің көрінісі жалпыадамзаттық, жалпыхалықтық мәдениетті насихаттауымен, рухани- эстетикалық маңыздылығымен ерекшеленеді; жүктеу/скачать 1,53 Mb. Достарыңызбен бөлісу:
|