Мәліметтерді түзету ұяға оларды енгізіп жатқанда немесе енгізіп болған соң да жүргізіле береді. Егер мәліметтегі қатені енгізу сәтінде байқасаңыз, онда артық символдарды BackSpace пернесімен өшіріп, керектілерін қайта тере отырып өзгерте аламыз. Esc пернесі ұяға мәлімет енгізбей, оны қайталап теру мүмкіндігін береді.
Мәлімет бұрын енгізілген ұяны түзету үшін тенбілторды, яғни кестелік курсорды керекті ұяға жеткізіп, түзету режиміне көшу үшін Ғ2 пернесін басып немесе тышқан курсорын формула қатарындағы мәліметтер арасына алып барып оны сырт еткізу қажет. Одан кейін керекті түзетулер енгізіп, ең соңында Enter пернесін немесе бағыттауыш тілсызық пернелердің бірін басса болғаны.
Мәліметтер енгізілісімен олар есептеу процесіне араласып, өздеріне қатысты ұялардағы нәтижелік мәліметтерді бірден өзгертетініне назар салыңыздар!
Бұл — электрондық кестелердің ең маңызды қасиеттерінің бірі.
