| XYZ-талдауда материалдар тұтыну құрылымына байланысты топтастырылады. X тобына материалдардың тұрақты түрде тұтынылатын түрлері жатады, Y тобына тұтынылуы маусымдық сипатқа ие материалдар, Z тобына тұрақты тұтынылмайтын материалдар жатады. Запастарды бұлай топтастыру материалдарды сатып алу мен сақтау облысында шешім қабылдаудың тиімділігін арттыруға мүмкіндік береді.
Запастарды басқаруда логистиканың орны ерекше, ол тауар ағымдарын уақыт пен кеңістікте оңтайландыруға мүмкіндік береді. Ол «жеткізуші – кәсіпорын - тұтынушы» тізбегінде тауарлардың қозғалысын реттейді және қажетті материалдар мен тауарлар қажетті жерге тиісті уақытта, тиісті көлем мен қажетті сапада жеткізілетініне кепілдік береді. Нәтижесінде, материалдарды сақтау шығындары төмендейді, капиталдың запастарда болу уақыты кеміп, оның айналымдылығы артады және кәсіпорын қызметінің тиімділігі өседі.
Достарыңызбен бөлісу: |
