Қазақстан Республикасы Маңғыстау облысын дамытудың 2011-2015 жылдарға арналған бағдарламасы
жүктеу/скачать 3,44 Mb.
|
- Бұл бет үшін навигация:
- Мүмкіндіктер
- SWOT талдауда
- Әлсіз тұстары
| Қатерлер:
мемлекеттік қызметтің жоғары тартымдылығының жетіспеушілігі, еңбекақының төмен деңгейі, жеткіліксіз әлеуметтік қамтамасыз ету; мемлекеттік қызметшілерге қатысты еңбек заңнамасының бұзылуы (нормаға келмейтін жұмыс күні, демалыс күндеріндегі ақы төленбейтін жұмыс, заңсыз жұмыстан шығару және т.б.): халық пен азаматтық қоғам институттарын стратегиялық құжаттарды әзірлеуге тарту және облысты басқару және дамыту бойынша шешімдерді қабылдау кезінде пікірлерді есепке алу деңгейінің төмендігі; Мүмкіндіктер: жаңа кадрлық технологияларды енгізу; әлеуметтік маңызды мемлекеттік қызметтерді Үкіметтің веб-ресурстары мен облыс әкімінің порталы арқылы беру үдерісінің қолжетімілігі мен тиімділігін арттыру. 2.3. Орта мерзімді перспективадағы аумақтың тұрақты әлеуметтік-экономикалық дамуының негізгі проблемаларының, тәуекелдерінің, шектейтін факторларының, бәсекелестік артықшылықтарының және мүмкіндіктерінің кешенді сипаттамасы Өңір экономикасының құрылымы әлі де көміртегі шикізаттың өндірісіне негізделген. Облыстық экономикалық кеңістігінің сапасы негізінен Ақтау урбандалу аймағында жақсарып келеді: халықтың тығыздығы, жолдардың тығыздығы және елді мекендердің байланыстылығы өсуде. Тұтастай алғанда, өңірдің кеңістіктік-құрылымдық дамуының әркелкілігі азаймауда. Денсаулық сақтау, білім беру және халықты әлеуметтік қорғау салаларында оң динамика байқалып, өңірдің ірі корпорацияларының әлеуметтік әріптестігі және мемлекеттің коммерциялық емес ұйымдарымен әріптестігі дамуда. Өңір дамуының әлеуметтік-экономикалық нәтижелерінің кешенді сипаттамасы, негізгі проблемаларды, тәуекелдерді, шектейтін факторларды, бәсекелестік артықшылықтарды және мүмкіндіктерді айқындайтын SWOT талдауда көрінеді. Мықты тұстары: Маңғыстау облысы пайдалы қазбаларға бай, олардың незізгісі – мұнай мен газ. Сонай-ақ, облыстың жер қойнауы фосфорит, көмір, марганец, түрлі тұздар, ұлутас, минералдық сулар қорларына да бай; облыс орташа республикалық деңгейден асып түсетін халықтың жан басына шаққандағы ЖӨӨ деңгейі бойынша 4-орынды алады; облыста қолайлы бизнес-орта құрылуда «Ақтау теңіз порты» қызметінің нәтижесінде өңірде инвестициялық ахуал жақсаруда; өңірді дамытудың стратегиялық бағыттарының бірі, кейіннен қайта өңдеу және экспортқа бағдарланған өнім шығару арқылы көмірсутегі шикізатын өндіруді арттыру болып табылады; құрылыс индустриясындағы оң өсу қарқындары; өңдеуші өнеркәсіптің бірқатар салаларының – машина жасаудың, металлургияның, құрылыс саласының мұнай-газ секторына бағдарланған, қосылған құны жоғары өнім өндіру бойынша дамуға оң беталысы; қолайлы герографиялық орналасуы және облыс аумағы арқылы «Оңтүстік-Солтүстік» және ТРАСЕКА халықаралық көлік дәліздерінің өтуі салдарынан айтарлықтай транзиттік әлеуетінің болуы; тарихи мұрасы, сондай-ақ тартымды көркем демалыс аймақтары бар болғандықтан, өңір айтарлықтай туристік-рекреативтік әлеуетке ие; облыс бойынша халық иимиграциясының жоғары деңгейі байқалады, келушілердің көпшілігі Қазақстанның өзге өңірлерінен жұмыс және лайықты еңбекақы іздеп келгендіктен, бұл – экономиканың орнықты оң дамуын көрсетеді. Әлсіз тұстары: аса құрғақ қатал континентті климат. Аумағының көпшілік бөлігін құба топырақтарда бұталы өсімдіктер аралас өскен жусанды-сортаңды шөл алып жатыр, олардың бетінде ішінара өсімдік өте сирек өсетін сорлар, тақыр тәріздес сортаңдар мен құмдар тараған, бұл ауыр шаруашылғын жүргізуге қолайсыз. өзендердің жоқтығынан облыста су ресурстарының тапшылығы байқалады; туризм объектілерінің ескіруі, кейбір стационарлық кәсіпорындарының жұмыс істемеуі немесе қайта құру кезеңінде, көптеген демалу орындарының инфрақұрылымының жоқтығы, онда күнделікті демалушыларға қажетті жағдай жасалмауы; облыс аумағына арақатынастаоблыс халқының салыстырмалы аз саны (облыстар мен республкалық маңызы бар қалалар тізімінде 16-орын) мен еңбек ресурстарының жетіспеушілігі байқалады; облыста білікті еңбек ресурстарының тапшылығы байқалады және біліктілігі төмен оралмандардың көптеп келуінің есебінен әлеуметтік проблемалардың шиеленісуі орын алуда; ауылдардық жердегі жұмыссыздық деңгейі орташа облыстық деңгейден асып түседі; облыс экономикасының шикізатқа, дәлірек айтқанда мұнай-газ өнеркәсібіне тәуелділігінің жоғары болуы; өңірдің өңдеуші өнеркәсібі салаларының көпшілігі үшін шикізат базасының әлсіздігі; облыста ішкі тұтыну нарқы көлемінің шектеулі болуы және өндірілген өнімді сыртқы нарыққа шығару логистикасының әлсіз дамуы; облыстың көліктік объектілерінің инфрақұрылымының әлсіз дамуы, бірқатар аумақтың инфрақұрылымының төмен деңгейде қамтамасыз етілуі, Түпқараған ауданында, Қарақия ауданының шекаралық аумақтарында теміржол жоқ; көптеген автокөліктік транзиттік жолдардың ішкі және халықаралық стандарттарға сай болмауы. әлеуметтік инфрақұрылым дамуының әлсіздігі және бұл сапаға инвестицияның төмен болуы; аудандардың деңгейінде үкіметтік емес секторлардың төмен даму деңгейі. Қатерлер: кен орындарында экологиялық жағдайдың нашарлауы. Техногенді факторлар әсерінен жер және табиғат ресурстарының тозуы; білікті кадрлар тапшылығынан еңбек өнімділігінің төмендеуі; облысқа әлеуметтік инфрақұрылымының төмен болғандықтан тұрғындар иммиграциясы деңгейінің жоғары болуы; ауылдық жерлерде тұрғындардың кедейшілік деңгейі жоғары, кірісі күн көріс мөлшерінен төмен тұрғындар - 32,4%; облыстың экономикасы шикізат шығаруға бағытталғанына байланысты мұнайгаз ресурстарының азайуы салдарынан экономикалық кризис қауіп төнуі; «Оңтүстік-Солтүстік» ХКД және ТРАСЕКА қазақстандық жер үлесінің жай дамуына байланысты транзиттік әлеуеттің (бәсекеге қабілетті) бәсекестік қабілетінің жоғалуы; облыста көлік және байланыс инфрақұрылымы дамуының жетіспеушілігінен инвестициялық тартымдылықтың төмендеуі, және Солтүстік Каспий жобасының 2-ші кезеңін жүзеге асырудың шегерілуіне байланысты шетелдік инвесторлардың кете бастауы; азық-түлік тауарларының, шикізаттың тасымалданып әкелуіне байланысты азық-түлік қауіпі; инженерлік және әлеуметтік инфрақұрылым нысандарының қанағатсыздық жағдайынан өмір сүру деңгейінің төмендеуі; АЭС құрылысы жобасының шегерілуіне байланысты электр қуатының тапшылығының болуы. жүктеу/скачать 3,44 Mb. Достарыңызбен бөлісу:
|