Бағдарламасы мен оқыту әдістемесін басшылыққа ала отырып жасалған
жүктеу/скачать 1,51 Mb. Pdf көрінісі
|
170831577076 (1)
|
Оқылым Әлемде түрлі ұйымдардың әйелдердің құқығын қорғау мақсатында талпыныс жасап жатқанымен, көптеген елдерде әлі күнге дейін олардың құқықтарына қатысты қол сұғушылық, әділетсіздік пен кемсітушілік орын алуда. БҰҰ-ның бағдарламаларын орындаушылардың әлем елдеріндегі әйелдердің сауаттылығына қатысты деректеріне сай, дамушы елдерде әйелдер арасындағы сауатсыздықтың жоғарғы көрсеткіші мен оларға қатысты кемсітушілік көп қиындық тудырып отыр. Мысалы, Мали елінде әйел адамдардың тек 25 пайызы ғана сауатты, ал ерлер арасындағы сауатталық деңгейі – 43 пайыз. Чад елінде сауатты әйелдер мен ерлердің үлесі сәйкесінше 28 және 47 пайызды құрайды. Чадта бастауыш мектепті бітірген қыз балалардың тек 55 пайызы ғана орта мектепке бару үшін тіркеледі. Чадтан кейін Кот-д’Ивуар, Пәкістан мен Йемен елдері де қыз балалардың бастауыш мектептен орта мектепке өту алаңында гендерлік теңсіздікке тап болып отыр. Жоғары білім алумен қатар, сауаттылық та осы елдердегі оқу-білімнің ең маңызды бөлімдері ретінде әйелдер мен ерлер арасындағы теңсіздіктің құрбаны болуда. Тіпті дамыған елдерде де 94 білім алу және жоғарғы оқуға түсуде әйелдердің ер адамдарға қарағанда озық болуына қарамастан, қызметке алу мәселесі көтерілген кезде әйелдер теңсіздікпен бетпе-бет келеді. Дүниежүзілік экономикалық форумның мәліметіне сәйкес көптеген елдерде әйелдер ерлермен бірдей дипломға ие болғанымен, кеңселерге қызметке алынбайды. Бұл елдердің барлығында кеңседе жұмыс істейтін қызметкерлердің 80 пайызын ерлер құрайды. Гендерлік теңдік тұрғысынан жағдайы нашар саналатын елдерде ерлер әйелдерге қарағанда кем дегенде үш есе көбірек жұмыс күші ретінде қызмет етуде. Сонымен қатар осы елдердегі жұмыс істейтін әйелдердің басым бөлігі ерлерге қарағанда айтарлықтай мөлшерде төмен жалақы алады. Мысалы, Ливанда ерлер жылына 26 мың доллардан астам табыс тапса, әйелдердің бір жылдық жалақысы тек 7106 долларды құрайды. (243 сөз) 6. Мәтіннен берілген сөздердің синонимін табыңыз. а. қабылданбайды-____________________ в. ахуал-___________________ [2] 7. Мәтіннен берілген сөздердің антонимін табыңыз. а. теңдік-___________________ в. жоғары-___________________ [2] 8-9. Сөйлемдерді берілген сөзден бастап, мағынасын сақтап, өз сөзіңізбен жазыңыз. А. Чадта бастауыш мектепті бітірген қыз балалардың тек 55 пайызы ғана орта мектепке бару үшін тіркеледі. Орта мектепке____________________________________________________________ [1] В. Дүниежүзілік экономикалық форумның мәліметіне сәйкес, көптеген елдерде әйелдер ерлермен бірдей дипломға ие болғанымен, кеңселерге қызметке алынбайды. Көптеген_________________________________________________________________ [1] 10. Мәтінді берілген аспектілер бойынша талдаңыз (әр аспект үшін 1 балл беріледі). Талдау аспектілері Дәлелдеме Мақсатты аудиториясы Детальді ақпарат Оқырманға әсері Автор позициясы [4] Жазылым Екі сұрақтың біреуін таңдап, жауап жазыңыз. Сөз көлемі: 100-150. Өз жауабыңызды тиісті стильге, жанрға келтіріңіз. [10] 1) «Көші – қон мәселелері» деген тақырыпта эссе жазыңыздар. Шылауларды қолданыңыздар. 2) «Мен Қазақстанның болашағына үлес қосамын» эссе жазыңыздар. Шылауларды қолданыңыздар. 3) Сізді не толғандырады ? Тақырыбын өзіңіз қойып , шағын эссе жазыңыздар. |