Дәрістің тақырыбы: Балық етінің морфологиясы мен химиялық құрамы. Балық және балық өнімдерінің түрлері
Дәрістің мақсаты: Балық етінің морфологиясы мен химиялық құрамы. Балық және балық өнімдері түрлерімен танысу
Қазіргі кезде адам қоғамы өзіне жыл он екі ай пайдалану үшін балық өнімдерінен қор жинайды. Ол үшін балықтарды әртүрлі өңдеулерден өткізеді. Өңдеу түрлері атайтын болсақ: тұздау, қақтау, кептіру, ыстау, консервілеу, прессервілеу, балық жон етін дайындау. Тұздалған балықтың сыртқы түр-түсі, тығыздығы, иісі мен дәмі стандарт талаптрына сай болуы керек. Сезімдік көрсеткіштеріне байланысты тұздалған балық бірінші және екінші сортты болып бөлінеді немесе жарамсыз деп табылуы мүмкін. Соңғы жағдайда ол бракка шығарылады, егер ақау белгілері аз болса,санитариялық өңдеуге жіберіледі.
