Софистика (грек. Sophisma – жалған ой - қорытындысы, пікірталастарда қулықпен жеңіске жету) – формальды логиканың заңдары мен принциптерін әдейілеп бұзып, жалған пікірлер мен аргументтерді дұрыс деп көрсетуге ұмтылған пікірлер, тұжырымдар немесе дәлелдер.
Синкретизм (грек. «араласқан», «бөлінбеген» деген мағына) – әлемдегі барлық тіршілік бір-бірімен тығыз байланыстылығын, бөлінбейтін бірлігін, теңділігін жариялайтын философиялық бағыт.
Субстанция (лат. Substantia – мән) – бір нәрсенің негізінде жатқан мән, оның ішкі бірлігі тұрғысынан қарастырылатын объективті шындық. Егер денелер пайда болып және жойылып кетіп жатса, ал субстанция жаратылмайды да, жойылмайды да, ол бар болғаны өз болмысының формасын ауыстырады, сол арқылы бір күйден екінші күйге ауысып отырады. Ол өзіне - өзі себеп және барлық өзгерістердің негізінде жатады.
Фанатизм (лат. -буырқанған) — қандай да бір діни немесе саяси пікірлерге құмар болу, байлану, қандай да бір идеяларды, принциптерді, нормаларды ешқандай сынамай өзіне сіңіру.
Этика (лат. Ethica – дәстүр, мінез) – өнегелілік туралы ілім.
Факт (лат. – жасалынып болған, істелінген) —Ойдан шығарылған нәрсеге қарсы қолданатындай қандай да бір шынайылықтың болуы, ғылымдар методологиясында гипотезамен және теориямен сәйкес келетін эмпирикалық білім түрі ретінде түсіндіріледі.
