Көп жағдайда секіруді бір жаққа қарай жылжу алдында пайдаланады, содан кейін техникалық тәсілді орындайды. Секіруді үйретуде мынадай жаттығуларды қолданады:
1. Жүгіре не қадам баса жылжу кезінде алдыға немесе белгіленген жерге дейін секіру.
2. Техникалық тәсілге имитациалай секіру (мысалы допты беру).
3. Жылдам жүгірістен кейінгі техникалық тәсілге еліктей секіру.
Әсіресе назар аударатын нәрсе ол жаттығушының секіру соңындағы тізе буындарының бүгілуі және осыны аяқтаған соң алдауында.
Жылжудың әртүрлі әдістерінің техникасын жетік меңгеру үшін оны әртүрлі тіркеспен пайдалану керек. Техниканы жетік меңгеру мынадай жолдармен жүреді. Әрбір жылжу әдістерінің құрылымы мен ырғағын жақсарта орындау, ойынның ең қажетті кезеңінде барлық нұсқаларды пайдалана білу дағдысын меңгеру, бірінен кейін бірі орындалатын техникалық тәсілдер мен жылжу нұсқаларының өзара үйлесімділігі.
Мұндай дағдыларды жетік меңгеру үшін кешенді тапсырмалар пайдаланылады. Оның ішіне әртүрлі жылжулар мен техникалық тәсілдер енеді.
Мысалға жаттығулар келтірейік:
1. Жаттығушылар шеңбер жасай тұрады. Бір-бірінен арақашықтығы 2-3 м. Бәрі шеңбер жасап жүгіре қимылдайды. Жаттықтырушының белгісінен кейін әр біреуі бар жылдамдықпен алдында жүгіріп бара жатқан ойыншыны қуып жетуді көздейді.
2. Колонаға тұрып, жаттығушылар жүгіре қозғалады, тәлімгердің шартты белгісінен кейін анықталған ауысулар жасайды.
3. Беткі түзуге сапқа тұрып жаттығушылар қарсы беттегі түзуге жүгіреді. Белгілі бір белгіден соң жоғарыға секіріп, ары қарай алаң аяғына дейін жүгіріп кетеді.
Осы айтылған жаттығулар мен бірге ойыншының физикалық сапасын дамытатын басқа да жаттығуларды пайдалану қажет.
