1. Кадмий алу және оның қасиеттерін зерттеу. Химиялық стаканға 5-6 мл кадмий сульфатының 40% ерітіндісін құйыңдар. Осы ерітіндіге жіңішке мырыш пластинкасын салыңдар. Не байқалады? Бір сағаттан кейін әрекеттеспеген мырышты стаканнан қысқышпен алып тастап, ерітіндіні шыны таяқшамен жақсылап араластырыңдар. Түзілген затты шайғыш шынысауыт арқылы ыстық сумен жуыңдар. Ауада кептіріп, алдағы тәжірибелер үшін сақтап қойыңдар. Кадмий металына сұйытылған және концентрлі тұз, күкірт, және азот қышқылдарының суықта және қыздырғанда (тартқыш шкафта!) әсерлерін тексеріңдер. Не байқалады?
Кадмийге сұйытылған және концентрлі натрий және аммоний гидроксидтерінің әсерлерін тексеріңдер. Не байқалады? Реакция теңдеулерін жазыңдар.