Ерекше білім алушыны бағалаған кезде жеке тәсілдер пайдаланылады:
Оқушы тапсырманы жақсы орындаса, баланы баланы міндетті түрде көтермелеу қажет,
Бір тапсырманы нашар орындаған балаларға ешқандай сөгіс айтып, жазғыруға жол берілмейді,
Баланың еңбегінің нәтижелерін басқа балалармен салыстырып бағаланбайды,
Нақты баланың өз алдына әрбір жеке ұмтылысын көтермелеу және соңғы нәтижесі ғана емес, сонымен қатар танымдық процесті, баланың әрекетін, оның дамуындағы динамиканы бағалау маңызды
Жиынтық жұмыс жүргізген кезде, қажеттілігіне қарай білім алушыға демалу немесе басқа да қажетті іс- шаралар үшін шамалы үзіліс беруге болады,
Оқу тапсырмаларын қабылдау, орындау кезеңдерінде эмоционалдық қолайлы климат орнату және қолдау мақсатында қажеттілігіне қарай психологиялық- педагогикалық сүйемелдеу көрсететін маманның қатысуына рұқсат етіледі,
Оқушыға берілетін тапсырмалардың көлемі мен мазмұнын білім алушының психофизикалық даму ерекшелігіне байланысты өзгертуге болады.
Сөйлеу тілінде кемістіктері бар балаларға сөзді қабылдау және түсіну, мәтіннің оқиғалары мен сюжеттік ретін есте сақтау және оны қабылдау үшін үнемі мұғалім көмегі қажет.
Оқушының тез шаршау мен тез жалығу, жұмыс қабілетінің төмендеу әрекеті оқытудың сабырлы қарқынын қажет етеді.
Достарыңызбен бөлісу: |
